tehnika-za-rano-otkrivanje-na-alchajmer_image
Споделете со пријателите!

По речиси 20 години поминати во истражувања, група научници од Halifax дојде до многу важно откритие за раното откривање на Алцхајмеровата болест
„Доколку молекулата се поврзе со протеинот, тоа значи дека испитаникот најверојатно има Алцхајмерова болест“
Тимот од истражувачи предводени од страна на д-р Иан Поти – Ian Pottie од Универзитетот  „Монт Сент Винсент“ – Mount Saint Vincent и д-р Султан Дарвеш – Sultan Darvesh од Универзитетот „Далхаузи“ – Dalhousie University создаде мала радиоактивна молекула. Таа се врзува со протеинот одговорен за Алцхајмеровата болест. Едноставно кажано, доколку молекулата се поврзе со протеинот, тоа значи дека испитаникот најверојатно има Алцхајмерова болест. Ова ново откритие е објавено во „Зборникот за нуклеарна медицина“ – Journal of Nuclear Medicine

Новата молекула што пронаоѓачите ја нарекуваат „Халифакс молекула“ – Halifax compound може лесно да биде идентификувана користејќи класичен болнички скенер за мозок.

„Ова е значаен почеток затоа што не беше покажано претходно користејќи го овој конкретен ензим како цел“ – вели д-р Дарвеш. На почетокот од декември, тестирањата покажаа дека состојката јасно се поврзува кон протеинската цел во заболените мозоци. Д-р Дарвеш истакнува дека лекарите можат да бидат 80 до 90% сигурни дека пациентот има Алцхајмер, но никогаш не можат да бидат 100% сигурни, сè додека мозокот не е испитан по пат на аутопсија.

„Ние се обидуваме да развиеме начини со кои ќе можеме дијагнозите да ги направиме поточни користејќи ги достапните технологии“ – додава тој. 

Научниците планираат да го прилагодат нивното откритие за човечка употреба и да поминат низ клиничките студии, коишто најверојатно ќе се спроведат за три до пет години отсега, во зависност од финансиите. Самата студија не е воопшто евтина, бидејќи само еден тест на секоја радиоактивна состојка може да чини и над илјада долари.

Прочитајте:  Нови истражувања за ракот може да помогнат и во третирање на Алцхајмеровата болест

„Кога ќе откриете една молекула, најчесто тоа е вашата почетна патека“ – истакнува д-р Дарвеш. Треба да се осигурате дека токму таа почетна состојка е соодветно прилагодена за кога ќе премине во клинички студии кај луѓето, таа да биде најдобрата возможна молекула што можеме да ја создадеме.


Споделете со пријателите!