sto-zaednicko-imaat-roditelite-na-uspesnite-deca_image
Споделете со пријателите!

Науката вели дека родителите на успешните деца имаат неколку заеднички особености
Иако не постои универзален рецепт за воспитување на успешно дете, сепак науката, пред сè, истражувањата во полето на психологијата укажуваат на неколку фактори кои го предвидуваат успехот. Родителите на успешните деца имаат некои заеднички карактеристики:

Ги вкучуваат своите деца да помагаат во домашните обврски

Многу родители сакаат да ги заштитат своите деца од обврските кои се неминовни во животот и кои секој од нас мора да ги завршува по себе. Децата кои не помагаат во домашните обврски се научени некој друг да ги прави наместо нив. „Тие се ослободени не само од работата, но и од разбирањето на тоа дека работата треба да биде завршена и дека секој од нас мора да придонесува за подобрување на целината“ – истакна Џули Литкот Хејмс – Julie Lythcott-Haimsпоранешен декан на бруцошите на Универзитетот „Стенфорд“ и авторка на книгата „Како да пораснете возрасен“, за време на TED Talks, настан во живо. Таа верува дека децата растени на овој начин, понатаму растат и се развиваат во вработени кои соработуваат добро со нивните соработници и се поемпатични затоа што знаат што значи борба и способни се независно да ги преземат задачите.
sto-zaednicko-imaat-roditelite-na-uspesnite-deca_image1

Ги учат своите деца на комуникациски вештини

Истражувачите од Државниот универзитет во Пенсилванија и Универзитетот „Дјук“ следеле повеќе од 700 деца од САД. Испитаниците биле следени од предучилишна возраст, па сè до 25 години.

Научниците откриле значајна врска помеѓу нивните социјални вештини на предучилишна возраст во градинка и нивниот успех како возрасни две децении подоцна.

Дваесетгодишната студија покажала дека децата кои одлично комуницираат со своите врсници, кои сакаат да им помагаат на соучениците, ги разбираат нивните чувства и умеат да ги решаваат самостојно проблемите, било многу поверојатно да се стекнат со универзитетска диплома и со стабилна работа до 25 годишна возраст, во споредба со оние кои имале ограничени социјални вештини. Децата со слаби социјални вештини имале поголема веројатност да имаат проблеми со почитување на законите.

Имаат високи очекувања

Користејќи податоци од национално истражување, спроведено врз 6.600 деца родени во 2001 година, професорот Нил Халфон – Neal Halfon од Универзитетот „Калифорнија“ во Лос Анџелес (University of California at Los Angeles) заедно со своите колеги, откри дека очекувањата што родителите ги имаат за своите деца имаат голем ефект во нивното остварување. „Родителите кои планирале факултет во иднината на нивните деца, се чини дека успеале да го одведат детето кон таа цел без оглед на нивниот приход и другите средства“ – истакна тој.

Имаат здрави меѓусебни семејни врски

Според научна анализа од Универзитетот во Илиноис, децата од конфликтните семејства имаат тенденција да живеат полошо, отколку децата на родителите коишто живеат во хармонија. Авторот на студијата професорот Роберт Хјус – Robert Hughes, забележа неколку студии што откриле дека децата од неконфликтните семејства со самохран родител живеат подобро, отколку децата од конфликтните семејства со двајца родители. Тој вели дека разводот многу негативно се одразува врз прилагодувањето на децата, а траумите ги носат цел живот.

Прочитајте:  Како да го подобрите спиењето со текот на годините

Пообразовани се од другите родители

„Образованието на родителите значајно го предвидува образовниот и професионален успех кај детето подоцна во животот“

Една студија од 2014 година, спроведена врз 14 илјади деца кои биле во градинка во периодот од 1998 до 2007 година, предводена од психологот Сандра Тенг – Sandra Tang од Универзитетот во Мичиген откри дека мајките коишто завршиле средно училиште или се високо образовани било поверојатно да воспитаат деца кои ќе го сторат истото. Студијата покажа дека децата на малолетните мајки било помалку веројатно да завршат средно училиште или факултет, во споредба со децата на образованите мајки. Една друга студија од 2009 година спроведена врз 856 луѓе од полуруралните области на Њујорк го потврди истото.

Психологот Ерик Дубоу – Eric Dubow, преку студијата откри дека образовната подготовка на родителите кога детето имало 8 години, значајно го предвидувало образовниот и професионален успех кај детето, 40 години подоцна.

Ги учат своите деца математика

sto-zaednicko-imaat-roditelite-na-uspesnite-deca_image2Една анализа од 2007 година спроведена врз 35 илјади деца од градинка од цел САД, Канада и Англија, откри дека развивањето на математички вештини на рана возраст може да се претвори во огромна предност за децата подоцна во животот. „Мајсторството на раните математички вештини предвидува не само идни успеси по математика, тоа исто така предвидува идни достигнувања во читање“ – истакна коавторот на студијата истражувачот Грег Данкан.

Развиваат силни врски со своите деца

Студија од 2014 година спроведена врз 243 испитаници родени во сиромаштија открила дека децата кои биле воспитувани со љубов и чувствителност во првите три години од детството, не само што поминувале подобро на тестовите и испитите на училиште, тие исто така имале поздрави врски и поголеми академски достигнувања во своите 30-ти години. „Ова укажува на тоа дека инвестирањето во раните односи родител – дете може да резултира со долгорочни добивки кои се акумулираат низ животите на поединците“ – вели коавторот на студијата, психологот Ли Рејби – Lee Raby.

Тие помалку се под стрес

„Не е важно само колку време поминувате со децата туку и дали тоа време е квалитетно“

Според едно неодамнешно истражување, објавено во The Washington Post, бројот на часови што мајките го поминуваат со своите деца кога се на возраст од 3 до 11 години, малку го предвидува нивното однесување, благосостојба или достигнувања. Не е важно само колку време поминувате со децата, важно е дали тоа е квалитетно поминато време.

Доколку родителите се уморни, нервозни, тажни, депресивни или фрустрирани, таа негативна емотивна состојба може да биде пренесена врз децата. „Стресот на мајките особено кога мајките се под стрес подари усогласувањето на работата и обидот да најдат време за своите деца, може да влијае лошо врз нивните деца“ – истакнува коавторот на студијата, социологот Кај Номагучи – Kei Nomaguchi.


Споделете со пријателите!