trikovi-kako-da-vodite-razgovor-so-luge-so-koi-nemate-sto-da-si-kazete
Споделете со пријателите!

Мала помош за да се справите со незгодната тишина кога сте во друштво кое не ви одговара 
Периодот околу новогодишните и божиќните празници е исполнет со дружење. Дружење со колеги од работа, дружење со пошироката фамилија, комшиите, со пријателите на вашите пријатели, или со други зборови,  подгответе се за многу празни разговори.

Без разлика дали сте екстровертни или интровертни, постојат луѓе со кои едноставно не ви оди муабетот.

Друг пример за отежната комуникација е кога на празничната трпеза сте заглавени да седите до некого што воопшто не го познавате. Наместо да започнете со неуверливото прашање „Како е?“, кое реално не води кон дијалог, ние ви нудиме мали трикови како да бидете добри во ваквиот вид на комуникација.

„Со што се занимавате?“ (доколку станува збор за некој што прв пат го гледате) Ваков тип на прашање остава многу слобода за соговорникот кој понатаму го одредува разговорот во насока во која се чувствува удобно. Или ќе почне да зборува за работата, за домот, или за двете. Како и да е, ова прашање поттикнува разговор.

„Што има ново?“ Доколку го познавате соговорникот, едноставно прашајте што има ново и подгответе се за слушање. Комуникологот Дебра Фајн – Debra Fine, автор на книгата „Уметноста на малите разговори“ – The Fine Art of Small Talk, вели дека луѓето многу сакаат да зборуваат за себе, а вие треба само да го насочите разговорот. Слушањето всушност ве прави одличен соговорник.

„Да, и јас кога бев…“ Ако разговорот остане еднонасочен, за да ја поттикнете комуникацијата следете го златното правило на импровизирање кое што го користат комичарите: сложете се со сè што ќе каже соговорникот и задолжително додадете своја забелешка или констатација.

Прочитајте:  Фитнес на руски начин

Имајте прекрасни денови исполнети со многу дружење, а ние ви посакуваме колку што може помалку празни разговори.


Споделете со пријателите!