Утрово истегнете се колку што можете повеќе
Првото нешто што треба да го направите веднаш штом ги отворите очите е да се истегнете колку што можете повеќе. За да имате убав ден, треба да започнете уште пред да станете од кревет, вели Ејми Кади – Amy Cuddy, психолог од „Харвард“. Утрата се полесни доколку постојат неколку здрави навики кои се практикуваат како на пример, редовно појадување, кратко туширање, едноставни вежби, извршување мали задачи и обврски и слично. Во утринската рутина сега додадете го и истегнувањето.
Кади ја постави теоријата дека говорот на телото кажува кои сте. Следствено на тоа, начинот на кој се будите, ви го одредува расположението и однесувањето во текот на целиот ден.
Нејзиното истражување заедно со д-р. Дана Карнеј – Dr. Dana Carney покажува дека имитирањето на моќни пози како поза „wonder woman“ (нозе раширени во ширина на рамениците и рацете поставени на колкови) или пози кои што заземаат повеќе простор, ќе го промени нивото на хормони во мозокот по само две минути и ќе направи да се чувствувате посамоуверени, помоќни и помалку изложени на стрес. Жените се посклони кон понесигурен став на положба на телото за разлика од мажите. Моќта на ставот ја подобрува самодовербата, може да влијае на нивото на тестостерон и кортизол во мозокот и дури може да има влијание врз шансите за успех.
Психологот Ејми Кади тврди дека говорот на телото е многу важен за начинот на кој другите гледаат на нас.
Вообичаено е мислењето дека нашето однесување зависи од нашите емоции, на пример, стоиме исправено и гордо бидејќи имаме самодоверба. Истражувањето на Кади предлага дека и обратната релација е точна, односно поголема самодоверба се стекнува едноставно со имитирање на моќна поза на држење на телото, или утринско истегнување. Со други зборови, имитирајте го ставот на самодоверба иако ја немате и на тој начин ќе станете посамоуверени.
Според ова, луѓето кои што се будат и веднаш се истегнуваат колку можат повеќе, се посреќни. Од друга страна пак, доколку спиете свиткани во фетус позиција, ќе се разбудите со чувство на стрес. Според истражувањето на Кади, скоро 40 проценти од Американците спијат во фетус-позиција, став кој понатаму негативно се одразува врз повеќе животни аспекти на овие поединци.
Иако можеби е потребно да глумите самоуверено на почеток, истегнувањето секое утро, малку по малку, резултира со попозитивни комуникациски односи со тек на време, вели Кади.
