Внимавајте на храната ако организмот ви е склон кон создавање на камчиња во бубрезите
Бубрежна или ренална колика претставува акутен синдром во кој доминира силна остра болка, која од страната се пренесува кон слабините или стомакот. Камчињата претежно настануваат во едниот бубрег и оваа состојба се нарекува нефролитиаза.
Ако каменот се заглави во уринарните патишта (мочните канали), настанува вистинска бубрежна колика.
Образувањето на песок и камчиња поминува без симптоми, но нивното придвижување и заглавување, води до покачување на притисокот во бубрегот на болниот, кое тој го чувствува како неподнослива болка. Болката при ренална колика е една од најсилните болки. Може да трае неколку часа дури со денови. Често пати е придружена со други појави – вазомоторен колапс, пад на крвен притисок, повраќање, застој на урина (хидронефроза).
Карактерот на болката зависи од локализацијата на конкрементите (каменчиња, грутки).
Слаба тапа болка во областа на крстот настанува заради големи камчиња кои се со големина на чашката или бубрежното леѓенче и овој тип на камчиња не може да се исфрлат од телото спонтано при уринирање (мокрење).
Силна неподнослива болка која се локализира во крстот ирадира по должина на мочниот канал ирадира по должина на екстремитетите настанува кога некој помал конкремент (камче), се движи од бубрегот кон уринарните патишта и дури можеда го блокира уретерот. Урината на пациентите може да има црвена боја. Исто така карактеристични се чести и болни нагони за мокрење, гадење и повраќање е чест симптом.
Како се поставува дијагноза?
Дијагноза се поставува со следниве испитувања и анализи:
- Лабораториска анализа на урина во која се гледа присуство на еритроцити, кристалурија, леукоцити; pH вредноста се менува во зависност од видот на камчињата- кисела при урати и оксалати до алкална при фосфатни камчиња;
- Микробиолошко испитување на урина – да се види дали постои уринарна инфекција и соодветно да се третира со антибиотик;
- Нативна снимка на бубрег (без контраст) – при која чисто уратни камчиња не се гледаат;
- Венозна урографија – со најголемо значење затоа што при овој тип на испитување може да се видат и уратните камчиња;
- Ехографија (ехо на бубрег) – еден од најбезбедните методи но при овој метод не се гледаат уретерни камчиња;
- Уретроскопија и нефроскопија се употребуваат поретко а потребно е да се направат под анестезија.
Терапија
Во поголем дел од случаите за да се смири болката, потребни се спазмолитици и аналгетици со цел да се опушти мускулатурата и да се олесни елиминирање на камчето. Се препорачуваат и парни бањи од половината надолу. Внесување на големо количество течности и физичка активност. При различните видови камчиња потребно е да се постапува различно.
Воедно, според различната природа на камчињата и начин на настанување, треба да се консумира различен вид на храна.
Камен од калциум фосфат или калциум. Доколку видот на камчиња е камен од калциум фосфат или калциум, треба да се избегнува или ограничи храна во која има многу калциум: млеко, сирење, јајца, спанаќ, банани, алкални минерални води. Предност треба да им се дава на намирници кои содржат магнезиум, затоа што магнезиумот го забрзува растопувањето на калциумовите оксалати, витамин Б6, грав, грашак,интегрален леб. Препораката е секое утро да се испие сок од 6 лимони.
Камен од оксалати. Треба да се јаде спанаќ, зелка, магдонос, кромид, зеленук, рибизла, a умерено да се внесува јајце, сирење, риба и млеко.
Камен од урати. Целосно да се откаже или намали внесување на црн дроб, пушено месо и месни екстракти како што е супа од месо, печурки, ореви. Кога станува збор за камчиња со уратно потекло целта е да се алкализира урината. Затоа е добро да се пијат газирани напитоци. Кујнска сол треба комплетно да се исклучи.
Недостигот на витамин А го поттикнува создавањето на камчиња и затоа е потребно да се консумира сок од морков. Луѓето кои еднаш имале камен или песок во бубрег треба да знаат дека нивниот организам е склон кон повторно создавање и затоа кај нив е особено важен хигиено-диететски режим.
