Што е болка и како таа функционира? Дали има одговор на ова прашање или не?
Болката е нормална појава. Многу луѓе страдаат од хронични или повторливи болки. Мигрената мачи третина од човештвото, а секој шести човек страда од артритис. Глобалната фармацевтска индустрија на основ на лекарства за болка заработува повеќе од 100 милијарди долари годишно. Сепак, за оние кои страдаат од хронична болка, ОТЦ лековите обично не помагаат, додека седативите базирани на наркотични средства можат да предизвикаат зависност.
Ако се направи преглед на повеќе научни истражувања на болката како и одредени студии за лекови, за оперативни зафати па дури и алтернативни лекови, најчести одговори во сите овие истражувања се од типот: „Истражувачите сеуште не знаат како да утврдат кој третман е најдобар за поединечни пациенти“ или „Откривме дека постојат огромни разлики во нашата база на знаење“…
Еве еден поглед на пет изненадувачки факти за болката, чии научни објаснувања се „болно“ нејасни.
Научниците немаат потполно објаснување за болката
Кога нешто ве боли, ве боли и точка. Но, доколку научниците би можеле целосно да разберат како болката работи и зошто, тие би биле во можност да ви помогнат многу повеќе. Доколку пробаме да ја дефинираме болката, можеби би било нешто вака „непријатно чувство и емоционалниот одговор на тоа чувство“. Ако направиме повеќе научна дефиниција, тогаш би звучело одприлика вака „болката се чувствува кога нервните завршетоци праќаат електрични сигнали до мозокот, кој за возврат може да ослободи во крвотокот ‘лекови против болка’ наречени ендорфини и да предизвика реакции од телото, брзи и физички или пак долгорочни и емоционални.“
Некои видови на болка се резултат на повреда. Но, во други случаи, болка предизвикана од оштетените нерви и не се толку лесно да се лоцира. Болката е комплексна и пркоси на нашата желба да воспоставиме јасна дефиниција. Болката е многу повеќе од нервна трансмисија или пак од сензорско оптоварување. Болката е комплексна мешавина на емоции, култура, искуство, дух и чувство.
Болката може да се намали на мозокот
Доколку страдате од хронична болка, сигурно сте свесни колку тоа може да биде исцрпувачки и деморализирачки, како физички така и психички. Ваквите болки можат да бидат препрека при завршувањето на на најрутинските и секојдневни активности, а нивото на раздразливост може да достигне и екстремни „граници“.
Но, тоа е не е се. Мозоците на луѓето со хронични болки во грбот се за 11 отсто помали од оние на кои не страдаат, објаснуваат научниците од Универзитетот Нортвестерн. Тие не се сигурни зошто и отворено шпекулираат дека можеби тоа се должи на стресот на луѓето, дека мораат да живеат со болката. Бидејќи невроните можат да станат или хиперактивни или заморени во зависност од активноста.
Мигрената и сексот одат рака под рака
Со ова предзнаење можеби и нема да се елиминира фразата „Не вечерва, драги…“, но една студија од изведена на Универзитетот Вејк Форест (Wake Forest University) во 2006 година покажува дека кај луѓето кои патат од мигрена, нивото на сексуална желба се за 20 проценти повисоко во однос на оние кои страдаат од главоболка. Ова откритие укажува на сексуалната желба и мигрената може да биде под влијание на истата хемикалија во мозокот и доколку се открие таа врска, може да доведе до подобар третман, барем во делот за болката.
Жените чувствуваат повеќе болка…
…Не секој маж ќе го признае овој факт но кога се работи за болка, ова е вистина. Жените имаат повеќе нервни рецептори од мажите. Како пример, жените имаат 34 нервни влакна по квадратен сантиметар од кожата на лицето, додека мажите во просек само 17. Во истражувањето изведено во 2005 година, е откриено дека жените почесто се жалат на болка во текот на нивниот живот, во споредба со мажите, но всушност тие чувствуваат болка во повеќе области на телото, а чувството на болка трае подолго.
Некои животни не чувствуваат болка како луѓето
Истражувањата врз животните нудат можни решенија за човечкото страдање. Во студија од 2008 година, изведена врз гол крт стаорец (Heterocephalus glaber), ќелаво и речиси слепо подземно суштество, наведено е дека тоа не чувствува ниту болка од киселина ниту пак од екстаркт од лути пиперки. Доколку истражувачите можат да дознаам зошто, тие би можеле да бидат на патот на откривање на нови видови на терапии против болка за луѓето. Слични истражувања покажале дека јастози не чувствуваат болка, дури и кога се варат, а во 2006 година, научниците го откриле и патот како се преносува хронична болка кај стаорци. Сите овие откритија, се надеваат научниците, ќе доведат до подобро разбирање на човековата хронична болка.
