najcesti-pricini-zosto-ste-postojano-zedni_image
Споделете со пријателите!

Нормално е да сте жедни после вежбање, но не е нормално да чувствувате постојана жед
Постојаната жед може да биде индикатор на многу здравствени состојби. „Секоја состојба којашто ја менува рамнотежата на сол и вода во телото, може да предизвика жед“, истакнува д-р Лора М Хен – Laura M. Hahn, MD. Чувството на зголема жед е нормално доколку јадете зачинета храна или додека вежбате и ви е топло, но некогаш жедта продолжува и после пиењето вода. Постојат многу симптоми коишто укажуваат на преголема жед коишто може се сигнал за различни медицински состојби. Постојат неколку најчести причини зошто постојано сте жедни како: бременост, ксеростомија (сува иста), исхрана којашто изобилува со храна која има диуретички својства. Во продолжение ќе наброиме уште четири други, како и препорака кога треба да се посети лекар.

Дијабетес

Симптомите од оваа болест на почетокот се незабележителни, но кога ќе се појават, еден од првите може да биде зголемена жед. Овој симптом најчесто е проследен со сува уста, зголемен апетит, зачестено уринирање, како и нагло зголемување или намалување на телесната тежина. Колку подолго време ја имате оваа болест, а притоа не ја лекувате соодветно, толку се поголеми шансите од развивање на хронична болест на бубрезите.

Месечен циклус

Зголемената жед е нормална појава за време на менструалниот циклус, бидејќи нивоата на хормоните естроген и прогестерон, може да влијаат врз количината на течности. Доколку сте од оние коишто обилно крварат, тоа резултира со зголемена жед. Исто така, не толку позната причина за обилната и долга менструација може да биде и слабата работа на тироидната жлезда. Доколку имате долг и тежок месечен циклус, задолжително обратете се на гинеколог.  Во секој случај, уште од периодот на ПМС погрижете да имате шише вода на дофат во секое време.

Прочитајте:  Дали е потребно сексуално образование кај младите во Македонија?

Анемија

Анемијата е состојба во која е намален бројот на црвените крвни клетки или еритроцити во организмот. До анемија доаѓа кога недостасува хемоглобин, , а тоа значи дека сите клетки примаат помалку кислород, поради што е намалена и нивната активност. Се јавува општа слабост, имунолошкиот систем слабее и се јавува постојано чувство на умор. При состојба на анемија, телото губи црвени крвни клетки побрзо отколку што можат да бидат заменети, па заради загубата на течност со поттикнување на зголемена жед.

Низок крвен притисок

„Хроничниот стрес прави надбубрежните жлезди забавено да работат, што може да резултира со низок крвен притисок кога телото е под стрес“, истакнува д-р Хал – Prudence Hall, MD. Ова може да предизвика вртоглавица, депресија, анксиозност и многу голема жед. Жедта е всушност обид на организмот да добие вода со цел да се зголеми крвниот притисок.

Кога да се обратите на лекар

  • Жедта е постојана без оглед колку многу сте испиле;
  • Имате заматен вид, зголемен глад или исекотини и отечени места коишто не зараснуваат;
  • Чувствувате голем замор;
  • Многу уринирате.

Споделете со пријателите!