prekumerna-tezina_1
Споделете со пријателите!

Експертите велат дебелината предизвикува здравствени проблеми и ги прави луѓето несреќни
Прекумерната тежина или дебелината е состојба што се карактеризира со огромно количество акумулирани телесни масти во организмот. Прекумерната дебелина добива размери на епидемија, а посебно е загрижувачки фактот дека има се повеќе дебели деца. Според податоците на светската здравствена организација бројот на лица со прекумерна тежина го надминува бројот на неисхранетите и луѓето кои гладуваат. Податоците пак на министерството за здравство во Македонија покажуваат дека 60% од мажите и 48% од жените на возраст над 20 години имаат прекумерна телесна тежина. Една третина од децата на возраст до 7 години се дебели.

„Една третина од децата на возраст до 7 годишна возраст се дебели.“

Дебелината предизвикува различни болести како срцеви заболувања, мозочен удар, астма, дијабетес, остеопороза и è една од водечките причини за смртност во светот. Прекумерната тежина носи и намалено самопочитување и самоувереност, депресивност, помал елан, но и проблеми меѓу партнерите.

Експертите велат дека лицата со прекумерна тежина немаат бавен метаболизам, слаба волја или вродено поголем апетит од останатите. Тие најчесто се разликуваат само по начинот на кој размислуваат за храната, по своите прехрамбени навики и според тоа како излегуваат на крај со стресот и емоциите. За да се успее во посакуваното ослободување од вишокот килограми, неопходно е најпрвин да се стекнат одредени услови. Во прв план треба да се променат навиките за храната, потоа да се разликуваат разните телесни состојби, да не се мешаат гладот и жедта и да се отстрани копнежот по одредена најчесто штетна храна. Да се промени целосно начинот на исхрана.

Наместо масна храна полна со јаглехидрати и шеќери, да се консумира здрава храна во која преовладува зеленчукот, јаткастите плодови и производи од интегрално жито, но потребно е да се пие и многу вода.

Физичката активност е исто така битен фактор во намалување на прекумерната  тежина. Пешачење, трчање, возење велосипед и вежбање во спортските центри освен што ќе влијаат за топење на вашите килограми ќе придонесат и за поздрав и подобар организам.

Прочитајте:  Храна на под - познатото правило од
5 секунди

Споделете со пријателите!