doznajte-zosto-trcanjeto-e odlicna-sportska-aktivnost_2
Споделете со пријателите!

Напливот од неверојатна енергија, чувство на успех и среќа … Трчањето е спорт што покрај одлична линија ќе ви ги опушти и телото и умот
Со трчањето можете да ја запознаете вашата околина, можете да запознаете нови луѓе, и при тоа ќе ви се подигне расположението. Прочитајте ги причините зошто сега е право време да почнете да трчате, а исто така ќе ви дадеме совети како најдобро да го одработите вашиот тренинг.

Трчањето го крева расположението и енергијата

Во денешно време е тешко да се најде време за себе. Затоа луѓето често плаќаат големи суми на пари да отидат на одмор и со тоа да ги наполнат батериите за периодот кој доаѓа. Но, наместо платен одмор еднаш или два пати во годината, тоа може да го добиете бесплатно секој ден. Трчајте во омилен дел од денот, со трчање дочекајте го изгрејсонцето или пак зајдисонцето и верувајте дека ќе се чуствувате многу подобро. При трчањето се ослободува ендорфин кој ја поттикнува среќата, а најчесто големите креативни идеи се раѓаат кога мозокот е ослободен од излишните мисли.

Сочувајте го вашето здравје и ослободете се од стресот

Истражувањата покажуваат дека околу 78% од луѓето се под секојдневен стрес на работа, а со трчањето не само што ја подобрувате физичката кондиција, туку и ментално здравје и со секој поминат километар се повеќе се ослободувате од стресот. Придобивките кои трчањето ги носи за вашето физичко здравје се исто така од непроценливо значење, бидејќи трчањето делува превентивно на кардиоваскуларните заболувања, високиот крвен притисок, дијабетес тип 2 и туморите.

Совршен рецепт за губење на килограми

Трчањето е одличен начин за намалување на телесната тежина, бидејќи трошењето на калориите е забрзано со 30%. Брзо трчање во траење од 20 до 30 минути е одлично трошење на голем број на калории. Ако трчате со брзо темпо на кратки растојанија, ќе трошат повеќе калории отколку со бавно темпо на долги растојанија, бидејќи ќе потрошите повеќе енергија, а покрај тоа ќе го забрзате и вашиот метаболизам. Одличен тренинг би бил доколку во 30 минутно трчање, вметнете и 30 секунди спринт, бидејќи на тој начин ќе го забрзате отчукувањето на вашето срце и автоматски со тоа се трошат и повеќе калории.

Урамнотежете ја исхраната пред и после тренинг

Со одлуката да започнете со секојдневно трчање не смее да застане на тоа. Дали вашиот план е да слабеете или да го сочувате вашето здравје, важно е да се обрне внимание на исхраната. Треба да се јаде еден до еден и пол час пред да се започне со трчањето,а тој оброк треба да биде лесен за полесно варење, но полн со сложени јаглехидрати за да обезбеди доволно енергија за вашиот тренинг. Затоа најдобро пред трчањето да се јадат овесни снегулки, интегрален ориз или благ компир, но и месо или јајца како извор на протеини доколку сакате да се зголемаи мускулната маса.

По тренингот оброк треба да содржи јаглени хидрати и протеини за обнова на мускулното ткиво.

Најдобро е прво се напиете шејк на база на зеленчук кој помага за опоравување на мускулните влакна, а потоа да имате оброк сличен на оној пред тренингот. Пилешко месо, компири, тестенини, ориз се одлични намирници за оброк по тренингот, но ако вашата цел е да ја намалите телесната тежина внимавајте на износот на внесени калории. Задолжително правилото кое не би требало да го избегнувате е внесување на големи количини на течности кои сте ги изгубиле за време на вашиот тренинг.

Прочитајте:  Како лесно да се ослободите од гравитациските мускули

Загревањето и истегнувањето пред тренинг се обавезни

Пред секој тренинг потребно е да направите кратко загревање, и по тренингот неколку минути да издвоите за истегнување.

Загревање му помага на телото да се подготви за тренингот со цел да ја подигне температурата за неколку степени со што се подобрува и мускулната активност, а со тоа ја намалувате можноста за несакани повреди.

Со истегнувањето по трчањето ја намалувате можноста за грчеви и ги релаксирате мускулите, но исто така го намалувате ризикот од „тркачки болести“ како што е воспаление на Ахиловата тетива. Покрај тоа, истегнувањето ја подобрува циркулацијата и координација, но и убаво ги обликува вашите мускули преку нивното истегнување, но мора тоа да го направите полека и релаксирано, концентирајќи се на одредена мускулна група.

Научете како да трчате правилно

doznajte-zosto-trcanjeto-e odlicna-sportska-aktivnost_1

За време на трчањето внимавајте на колената и зглобовите, затоа е потребно да одберете квалитетни патики кои ќе го чуваат вашето стапало во зависност од видот на површината на која ќе трчате. Ако трчате во град, на тврда подлога, важно е да одберете патика со еластичен ѓон, но најважно е патиката да е прилагодена на вашето стапало. За да постигнете најдобри резултати секако мора да внимавате и на положбата на вашето тело. Трчајте исправено, горниот дел од телото да има мал лак нанапред, така што тежиштето ќе биде на предниот дел на стапалото.


Споделете со пријателите!