luspi-od-jajca-namesto-plombi_1
Споделете со пријателите!

Како лушпите од јајцата можат да помогнат да се пополнат дупките во забите на природен начин
За многумина одењето на забар претставува стресно, болно и непријатно искуство. Но, наместо да одите кај својот забар со страв, згрчено лице и расипани заби, може да одите со насмевка и со здрави заби. Одењето на забар од кошмар, на многу лесен и природен начин можете да го претворите во кратки и брзи рутински контроли на усната шуплина, бидејќи подобро е да спречиш, отколку да лечиш. За да решите некој проблем, не треба веднаш да ги спречувате последиците, туку најпрво треба да дознаете која е причината за проблемот и да ја решите истата.

Зошто забите се расипуваат?

Забите најчесто се расипуваат поради:

  • Недостаток од Витамини растворливи во масти, од кои најмногу Витамин А и Витамин Д;
  • Високо процесираната (преработена) храна преоптоварена со хемикалии и штетни вештачки адитиви кои човечкиот организам не е во состојба да ги преработи;
  • Хормонален дисбаланс;
  • Недостиг од минерали во диетата, како што се Калциумот и Фосфорот;
  • Неправилната нега.

Сепак, не очекувајте дека  постојат магични апчиња против расипување заби или пак, некаква нова и револуционерна специјална паста за заби што автоматски ги пополнува дупките кај расипаните заби. Сè што е потребно за човечкиот организам правилно да функционира и да закрепнува, можеби и не треба веднаш да го барате во хемиски создадените апчиња, туку најпрво треба истото да го побарате во природна форма и секако да промените некои навики во однесувањето и во режимот на исхрана.

Да тргнеме од хигиената. Забите се мијат со кружни движења после секој оброк. Втора важна работа е правилната исхрана и соодветните додатоци во исхраната што (не) ги користите. Овој метод на домашно поправање на забите е стар алтернативен и малку подзаборавен, но проверен метод со правење на домашен природен суплемент за зајакнување на забите. Добро познато е дека фрактурите на коските самостојно зараснуваат. Па, кога коските имаат моќ да се обновуваат, зошто тогаш забите би ја немале истата функција? Нели и забите се жива материја? Слично како и коските и забите ја имаат истата способност, само што ние треба малку да им помогнеме.

Лушпите од јајцата на домашните птици имаат уникатни и корисни медицински својства пред сè за здравјето на нашите заби.

Лушпите од јајцата содржат идеално количество на соодветни супстанци, како масивно количество на Калциум и 27 останати минерали, коишто имаат моќ да ги пополнат дупките кај расипаните заби. Забите во најголема мера се составени од Калцификати. Всушност, составот на човечките коски и заби е многу сличен со составот на лушпите од јајцата. Најголемата придобивка од лушпите е токму Калциумот што се содржи во нив и тоа со 93% во форма на калциум-карбонат (CaCo3), од што на чист калциум погоден за апсорбција отпага околу 40%. Благодарение на Калциумот коскената срцевина ја извршува подобро својата хематопоетска функција. Исто така, лушпите го обезбедуваат потребното количество на Калциум за реминерализација на забите.

Покрај Калциумот, лушпите исто така ги содржат следниве минерали: Магнезиум, Фосфор, Силициум, Натриум, Калиум, Железо, Сулфур, Алуминиум и други. Протеините во лушпите од јајцата се составени од есенцијални амино киселини како: Метионин, Цистеин, Лизин и Изолеуцин.

Лушпите се најкорисни за малите деца, но и за малите кучиња, бидејќи нивните тела се во фаза на формирање на коскеното и забно ткиво и поради тоа мора непрекинато да бидат снабдувани со Калциум. Додавањето на прав од лушпи од јајца во бебешката храна ги заштитува бебињата од рахитис, но и анемија бидејќи лушпите го поттикнуваат создавањето на црвените крвни клетки во коскената срцевина. Многу научни студии покажуваат забрзано закрепнување при ортопедските заболувања како конгенитална дислокација на колк или пак, остеопороза – кога се консумираат лушпи од јајца.

Прочитајте:  Превенција на анемија
luspi-od-jajca-namesto-plombi
Наместо да ги пломбирате, регенерирајте ги забите

На кој начин самостојно да ги зајакнете своите заби по природен пат?

СОВЕТ:

„Кога станува збор за медицинска употреба, најсоодветно е да користите лушпи од органски јајца од кокошки, за да ги избегнете хемикалиите и антибиотиците.“

Едноставно – додадете ги претходно соодветно приготвените лушпи од јајца од кокошка во Вашата секојдневна диета. Најпрво вријте ги лушпите од органски јајца околу 5 минути. Вриењето ќе ги убие сите патогени. Потоа исушете ги лушпите, па столчете и издробете ги на ситен прав користејќи мелница за кафе или специјален кујнски уред за ситнење на храната. Овој домашно подготвен суплемент во исхраната секојдневно ќе го додавате во Вашите оброци или шејкови и тоа не повеќе од половина кафена лажичка (max 2g) дневно.

Витаминот Д во голема мера помага при апсорпцијата на Калциумот. Па затоа треба секојдневно да примате доволно количество на сончева светлина и да јадете производи богати со овој витамин, како на пример џигер и друго месо, рибино масло, мрсна риба, млечни производи и сл.


Споделете со пријателите!