Водата сама по себе е најдобриот избор за згаснување на жедта, не содржи калории, ја спречува дехидратацијата на организмот и практично ја има сегде. Еве како можеме да се освежиме во жешките, летни денови кои ни престојат пиејќи здрава, слатка и освежителна вода што самите ќе си ја подготвиме.
Додадете свежо овошје или зеленчук за освежителен вкус
Земете било какво овошје (освен банана), краставица или ѓумбир, исечкајте го на ситни парчиња или исцедете го и додајте го во водата. Оставете да постои одредено време и ќе имате вода со ни малку обичен вкус. Направете си и комбинации од овошје или зеленчук според ваш сопствен вкус. Додајте и неколку коцки мраз и имате вкусен, освежителен пијалак во ваша рака.
Стапче цимет за необичен вкус
Едно стапче цимет во чаша вода е доволно за да направите концентрат со кој ќе ја “зачините” секоја наредна чаша ладна вода што ќе посакате. Притоа, освен што ќе добиете вода со одличен вкус, ќе ги вкусите и сите благодати на циметот.
Билките како босилек и нане се совршен избор за освежување
Босилекот и нането можете да ги користите за да добиете вистинско освежување во летните месеци. Без разлика дали ќе земете чаша вода во која ќе ставите коцки мраз и некоја од овие билки, или пак дополнително ќе ги комбинирате со овошје и зеленчук, резултатот ќе биде одличен.
Необични коцки мраз
Наместо да ја освежите чашата вода со обични коцки мраз, одберете некои од горенаведените состојки и направете коцки мраз со овошје или билки. Тие не само што освежуваат, туку и убаво изгледаат, па чашата вода ќе биде убава и на изглед.
Без разлика кој од овие начини за освежување ќе го одберете нема да погрешите. Доколку сте љубител на минералната вода, истите состојки можете да ги додадете и во чаша минерална вода. Играјте си со природните состојки, комбинирајте ги според вашиот сопствен вкус и уживајте во летните денови благодарение на вкусната и освежителна чаша вода што самите ќе си ја подготвите.
