За лекување и заздравување на повредите на главата кај децата е потребно подолго време бидејќи тие се покревки од возрасните.
Потресот на мозокот кај возрасните којшто може да настане како резултат на повреда на главата при вршењето на некоја спортска активност најчесто спаѓа во блага повреда којашто иако може привремено да го наруши нормалниот начин на работа на мозокот, таа овозможува целосно закрепнување. Сепак, потресот на мозок кај децата којшто може да настане под различни околности може да биде загрижувачки бидејќи може да предизвика посериозни здравствени проблеми кај детето.
За лекување и заздравување на повредите на главата кај децата е потребно подолго време бидејќи тие се покревки од возрасните. Вообичаено кога детето ќе се повреди и доживее потрес на мозок, потребно е да се одмора од секакви физички и когнитивни активности одреден период. Во зависност од повредата, овој период може да подразбира еден, два или повеќе денови по потресот на мозокот. Потоа во зависност од симптомите коишто детето ќе ги има тоа полека ќе започне да ги извршува секојдневните активности.
Децата коишто имале потрес на мозок кога ќе се вратат во училиште, доколку не се чувствуваат целосно спремни, може да побараат подолг рок за извршување на задачите на часот или дома, како и скратен училишен ден. Ако некоја активност како што е читање, вежбање или спортување предизвикува непријатни симптоми, како главоболка, детето треба да се одмори и потоа да продолжи со извршување на активноста на пократки периоди. Враќањето во училиште по повреда на главата мора да вклучи постепено работење со цел да не се повторат или влошат симптомите кај детето.
Знаци и симптоми на потрес на мозокот
Симптоми на потрес на мозок кај децата може да вклучуваат главоболки, вртоглавица, замор, раздразливост и тешкотии со меморијата и вниманието. Други симптоми коишто може да се појават кај детето се:
- Чувство на притисок во главата;
- Гадење или повраќање;
- Заматен вид;
- Чувствителност на светлина или бучава;
- Чувство на слабост или збунетост;
- Бавност во разбирањето и одговарањето на другите;
- Проблеми со спиењето;
- Промени на расположението;
- Промени во однесувањето;
- Промени во личноста.
Децата можат да развијат компликации ако се вратат на спортот или некои други интензивни активности пред целосно да се излечи потресот на мозокот. Уште еден удар на главата додека првичниот потрес на мозокот се лекува може да резултира со долготрајни симптоми на главоболка и вртоглавица или повеќе трајни оштетувања на мозокот.
Синдром на пост-контузија
Не е јасно зошто кај некои луѓе се развива синдром на пост-контузија. Се чини дека сериозноста на потресот на мозокот не влијае на ризикот од синдром на пост-контузија. Некои истражувања покажуваат дека доколку некој искусува повторувачки контузии кај него може да се зголеми ризикот за јавување на синдром на пост-контузија.
Синдром на пост-контузија е пореметување на симптомите на контузија кои траат подолго од нормалниот период на опоравување.
Истражувачите продолжуваат да проучуваат други потенцијални долгорочни ефекти на потресот на мозокот. Еден потрес на мозокот може да ги изложи децата на поголем ризик од добивање на уште еден потрес понатаму во животот. Оттаму, ефектите од повторувачките контузии со текот на годините може да се размножат.
За да го заштитите вашето дете од повреди на главата, инсистирајте на соодветна заштитна опрема за одредени спортски активности. Ако сметате дека вашето дете има потрес на мозокот, побарајте итна медицинска помош. Докторот на вашето дете ќе определи колку е сериозен потресот на мозокот и кога е безбедно вашето дете да се врати на спортот, училиштето или други активности.
