Истражувањето покажа дека само 15-минутна вежбање кардиоваскуларни вежби ја зголемува ефикасноста на мозокот.
Студија објавена во дневникот „NeuroImage“ открива дека вежбањето што се практикува веднаш по изучувањето на нова моторна вештина може да го подобри процесот на помнење на истата на долгорочен план. Поконкретно, истражувањето покажа дека само 15-минутна сесија кардиоваскуларни вежби ја зголемува ефикасноста на мозокот. Ова е откритие кое би можело да биде од голема важност за пациентите кои претрпеле мозочен удар или кои се соочуваат со проблеми со мобилноста по повреда и чии моторните вештини треба да се обноват.
Марк Ројг, авторот на студијата, во своите претходни трудови веќе открил дека вежбањето помага кон консолидација на мускулната или моторната меморија. Она што овојпат тој и истражувачкиот тим сакале да го откријат било причината поради која ова се случува. Односно, што се случува во мозокот кога умот и муслулите воспоставуваат интеракција? Што е она што му помага на телото да ги запомни моторните вештини?
Учесниците во студијата биле поделени на две групи – една група којашто по учењето на нова моторна вештина одморала и друга којашто возела велосипед 15 минути. Кога по 24 часа од двете групи било побарано да ја повторат истата задача се покажало дека оние коишто возеле велосипед користеле многу помалку мозочни ресурси.
Всушност, со цел да дознае што точно се случува во мозокот истражувачкиот тим побарал учесниците во студијата да извршат две различни задачи. Првата задача вклучувала притискање на предмет, сличен на џојстикот за играње видео игри, познат како динамометар, со користење на различен степен на сила за поместување на курсорот нагоре и надолу за да се поврзат црвените правоаголници на компјутерскиот екран што е можно побрзо.
Задачата била избрана затоа што преку неа на учесниците им се дала можноста да го усовршат моторното учење, бидејќи тие се стремеле да ја регулираат силата со која го фаќале динамометарот за да го поместат курсорот околу екранот. По вежбата следувале 15 минути вежбање или одмор, по што следувала втората задача којашто вклучила повторување на првата задача во интервали од 30, 60 и 90 минути. А последниот чекор во студијата бил повторување на задачата, најпрво по 8, а потоа по 24 часа од страна на двете групи.
Во меѓувреме, додека траело тестирањето, истражувачите го оценувале нивото на активност на мозокот додека моторната меморија не била консолидирана.
Поефикасна мозочна активност
Истражувачите откриле дека онаа група којашто вежбала во секое време можела да ја повтори задачата со поефикасно поврзување на различни делови од мозокот и со помала активност на мозокот од онаа група учесници којашто не вежбала. Уште поважно, намалувањето на активноста на мозокот во групата којашто вежбала била поврзана со подобро помнење на моторната вештина 24 часа по практикување на истата. Ова укажува на тоа дека дури и краток интензитет на вежбање може да создаде оптимална состојба на мозокот за време на консолидација на моторната меморија која го подобрува помнењето на новостекнатите моторни вештини.
Истражувачите забележале дека по вежбање во мозокот се јавува помала активност најверојатно поради тоа што невронските врски помеѓу и во мозочните хемисфери стануваат поефикасни. Со други зборови, истраќувачите сметаат дека вежбањето може да помогне во ослободувањето на дел од мозокот да прави други работи.
