Лигнани – фитоестрогени кои се нивните здравствени придобивки [1 ДЕЛ]

Лигнани-природни соединенија слични на естроген се корисни за здравјето на коските и срцето, како и за симптомите на менопауза.

Можеби сте чуле дека при консумирање на храна богата со фитоестрогени има значителни здравствени придобивки. Овие природни соединенија слични на естроген се корисни за здравјето на коските и срцето, како и за симптомите на менопауза. И додека повеќето студии се фокусираат на фитоестрогени од соја, лиганите од растенија се главниот извор на фитоестрогени во исхраната во западната диета.

Што се растителни лигнани?

Лигнаните се еден вид растителна состојка позната како полифеноли. Тие се соединенија кои се вклучени во структурата на ѕидовите на растителните клетки. Содржат фитоестрогени кои играат улога во регулирањето на производството на естроген во организмот. Ентеролактон – главниот лигански метаболит (супстанција добиена од метаболизмот на лигнаните) што циркулира во нашата крв има мала естрогенска активност. Десетици научни извештаи известуваат дека високи нивоа на ентеролактон во крвта придонесуваат за намалување на ризикот од карцином на дојка, рак на простата и дебелото црево и кардиоваскуларни заболувања.

Проучувањата исто така покажале дека високи нивоа на лигани се корисни за одржување на здрава тежина и метаболизам на гликоза, намалување на ризикот од чувствителност на инсулин, метаболички синдром и дијабетес.

Здравствените придобивки од користење на лиганите од растенија вклучуваат: унапредување на здравјето на градите намалување на топлите бранови кај жените во перименопауза и менопауза, одржување на здравјето на простатата поддршка на кардиоваскуларното здравје, поддршка за одржување на нормално ниво на шеќер во крвта, како и за одржување на здрава тежина. Кратко кажано тоа се супстанции кои имаат анти-оксидативно и антиинфламаторно дејство.

Како дејствуваат лигнаните во телото?

Кога некое лице консумира растителна храна, лиганските соединенија претрпуваат промени под влијание на микрофлората на цревата. Корисните бактерии во цревата ги претвораат растителните лигани во „човечки“ лигнани, вклучително и ентеродиол и ентеролактон, кои полесно се асимилираат од човечкото тело и во исто време имаат мала естрогенска активност. Ова е особено важно за здравјето на жените затоа што, во присуство на природно високи нивоа на естроген, слабиот естроген од лигнаните може да се врзува за некои од естрогенските рецептори, со што всушност се намалува целокупната естрогенска активност.

Оваа способност на лигнаните да ги блокираат ефектите на естрогенот може потенцијално да помогне во намалувањето на ризикот од карциноми поврзани со хормоните (главно влијаат на градите, матката, јајниците и простатата).

Од друга страна, ако нивото на естроген е ниско, лигнаните можат да помогнат да ги надополнат нивните нивоа и да ја промовираат нивната рамнотежа.

Овој ефект на лигнаните врз хормоналната рамнотежа е само еден од начините на кои овие хербални соединенија можат да бидат корисни за нашето здравје.

Откриено е дека лигните ги олеснуваат состојбите кои се поврзани со естрогенот, како што се симптоми на менопауза и остеопороза.

Која храна содржи лигани?

Семе од (лен, тиква, сончоглед, афион и сусам), овошје и зеленчук се меѓу најдобрите извори на лигнани. Ленено семе има најголема содржина, а кршењето на семето ја подобрува биорасположивоста на лигнаните. Меѓутоа, бидејќи лигнаните од мелено семе брзо се распаѓаат, препорачливо е да се користи органско цело семе и да ги мелете веднаш пред употреба. Маслото од ленено семе обично не содржи лигани.

Другите нивни добри извори се храна богата со растителни влакна, како што се цели зрна, кашу -индиски орев, зелка, брокула.

Дали ви треба додаток во исхраната за да внесете лигнани?

Голем процент од нас во бурната дневна рутина не успеваат да консумираат доволно нерафинирани зрна, овошје, зеленчук, јаткасти плодови и мешунки потребни за да се обезбеди доволна количина на растителни лигани потребни за поддршка на здравјето. Просечното дневно внесување на лигани од природни извори е околу 1 милиграм на ден, а според истражувачите, потребни се минимум од 50 до 100 милиграми на ден за да се зголемат нивоата на ентеролактон во организмот.

За ова се потребни најмалку 3 до 4 супени лажици нерафинирано ленено семе секој ден, и/или многу голема количина на нерафинирани зрна, ореви и грав што повеќето од нас не се навикнати да ги примаат во такви количини.

Од друга страна, ефикасноста на лиганскиот метаболизам зависи од голем број фактори. Некои луѓе немаат доволно „корисни“ бактерии во цревата потребни за да ги претворат растителните лигани од растенија во форма лесна за обработка за човечкото тело.

Ова може да се должи на прекумерна употреба на антибиотици кои ги уништуваат здравите бактерии. Некои од луѓето имаат интолеранција или алергија на храни што ги попречува  процесите на трансформација и асимилација.

Воспалителни заболувања на цревата или начин на исхрана која е заситена со маснотии, исто така, можат да влијаат негативно на метаболизмот на растителни лигнани.

Но, во повеќето случаи, ние едноставно не јадеме доволно храна богата со растителни влакна, кои се најбогатиот извор на лигнани. Во вакви случаи, земањето додаток на лигнани би било добро решение.