spas-za-nad-500-000-lica-sekoja-godina_image
Споделете со пријателите!

Според Светската здравствена организација (СЗО) употребата на овие транс масти доведува до околу 500.000 смртни случаи од кардиваскуларни заболувања секоја година. Овие „продукти“ се додаваат во пржената храна, печива и закуски и продонесуваат за високото ниво на лошиот холестерол во крвта
Срцевите заболувања убиваат повеќе луѓе низ светот од било што друго. Повеќе од 17 милиони лица умираат секоја година од кардиоваскуларни заболувања, вклучувајќи ги тука и срцевите напади и удари. Тешко е да се сменат некои од однесувањата кои придонесуваат за овие смртни случаи, но тоа не ги спречува научниците од обидите да ги натераат луѓето да вежбаат и да јадат повеќе зеленчук.

Елиминирањето на голем дел од овие смртни случаи, може да се постигне на полесен начин, со забрана на транс мастите. Според Светската здравствена организација (СЗО)употребата на овие транс масти доведува до околу 500.000 смртни случаи од кардиваскуларни заболувања секоја година. Овие „продукти“ се додаваат во пржената храна, печива и закуски и продонесуваат за високото ниво на лошиот холестерол во крвта. Поради тоа, СЗО и владите во светот постојано се во „конфликт“. Пред извесно време СЗО го објави планот за повик до владите во светот, во рок од пет години да ги забранат индустриски произведените транс масти.

Транс мастите се непотреби отровни хемикалии кои убиваат и нема причина луѓето во светот да бидат исложени на нив, вели д-р Том Фриден (Dr. Tom Frieden), поранешен раководител на Центарот за контрола на болестите и превенција.

Вештачките транс масти се развиени на почетокот на 20 век, кога индустријата забележа дека може да го замени путерот со парцијално хидрогенизирани масла, кои имаат долг век на чување (користење). Во педесетите години од минатиот век, луѓето почнаа да стануваат загрижени за потенцијални здравствени ефекти од заситените масти, производителите на храна, почнаа да рекламираат производи како маргаринот, кој има маснотии од делумно хидрогенизирани масти – транс масти, наместо заситени масти (во последниве неколку години, многу компании нивните производи ги префрлија од транс масти на други алтернативи).

Но, оваа замена на заситени масти со делумно хидрогенизирани масла е всушност лоша идеја. Овие производи го зголемуваат нивото на лошиот LDL – холестерол (знак на зголемен ризик од кардиоваскиларни заболувања) и го намалуваат нивото на добриот HDL – холестерол. Севкупно, диетите со високо ниво на овие масти го зголемуваат ризикот од срцеви заболувања за 21 процент, а стапката на смртност за 28 отсто, а тие се исто така поврзани и со зголемениот ризик од појава на дијабет тип 2.

Научниците почнаа да сугерираат дека овие масти се опасни, по знаците на нивната акумулација во обдукциите правени во доцните педесети од минатиот век. 

Во 1970 и 1980 години , голем број здравствени работници почнаа да сфаќаат дека овие масти можат да придонесат за зголемување на ризикот од заболувања, иако овие нивни наоди често биле потиснувани од прехрамбената индустрија.

Подоцна, неколку големи и проминентни студии, покажаа дека овие прехрамбени продукти се силно поврзани со зголемениот ризик од болести.

„Постои можност во рок од пет години, оваа опасна материја кој ги зголемува смртните случаи повеќе да не се употребува никаде во светот.“

Во 2001 година, Данскиот национален совет за нутрициомизам и препорача на владата да ги ограничи транс мастите во храната за подобрување на кардиоваскуларното здравје, а две години подоцна беа вметнати овие препораки во данскиот законодавен систем. И тоа функционираше со намалување на смртноста од кардиоваскуларни заболувања побрзо отколку во други земји. По ова и други европски земји го следеа примерот на Данска. Во 2006 години Њу Јорк донесе закон за забрана на транс мастите, што доведе до нивно целосно елиминирање од градот до летото 2008 година. Сето ова придонесе да се појавуваат написи во стилот „Дадилката Блумберг“ кои се однесувале на тогашниот градоначалник на Њу Јорк. Меѓутоа, студијата објавена минатата година во списанието на Амерканското медицинско здружение на кардиолози покажала намалување на срцевите удари во градот. Агенција за храна и лекови на американската администрација во 2015 година го објави овој https://www.businessinsider.com.au/fda-bans-trans-fats-2015-6 пример во целиот свет, со напомена дека целосната забрана на транс мастите ќе стапи во сила идниов месец.

Транс мастите се уште добро се продаваат во земјите од Јужна Азија и Африка, каде што послабите законски регулативи и силното влијание на прозиводителите на храна ги држат овие делумно хидрогенизирани масти во продажба.

Новата политика на Светската здравствена организација, всушност неможе да ја забрани употребната на транс мастите во овие земји, но се уште има надеж дека насоките на СЗО ќе ги поттикнат владите да ги воведат овие забрани. – Мултинационалните производители на храна кои ја отфрлиле употребата на транс мастите, можат да им помогнат на локалните производители да се префрлат на поздрави масла, сметаат од СЗО.

Прочитајте:  Нанотехнологија за побрзо справување со згрутчувањата во крвта

Можно е во рок од пет години, оваа опасна материја кој ги зголемува смртните случаи повеќе да не се употребува никаде во светот.


Споделете со пријателите!