bifidobacterium-i-lactobacillus-dobri-bakterii-vo-mikroflorata-angelco-jovancev
Споделете со пријателите!

Пробиотиците се дефинирани како живи микроорганизми кои, администрирани во адекватни количини, имаат позитивен ефект врз здравјето. Bifidobacterium заедно со Lactobacillus се едни од најзначајните пробиотици кои имаат голема улога во интестиналната микрофлора. Познати се околу 32 различни видови од родот Bifidobacterium. Тие се лоцирани во гастроинтестиналниот и во урогениталниот тракт. Најголем број се лоцирани во колонот, иако се застапени од 3 до 6 проценти од целокупната флора во фецесот. Овие позитивни бактерии продуцираат млечно киселинска киселина, продуцираат витамини, бактериоцини. За разлика од Lactobacillus, Bifidobacterium истo така секретираат оцетна киселина. Значајно е дека оцетната киселина е поефективна во редуцирањето на растот на квасци и мувли отколку млечната киселина.

„Комбинацијата на Lactobacillus acidophilus и Bifidobacterium помага да се редуцираат симптомите на покачена температура, кашлица и намалувањето на потребата од антибиотици кај деца со пулмонални инфекции“

Заради овие особини Bifidobacterium е една од поважните бактерии во интестиналната микрофлора. Бактериите од овој род имаат позитивни ефекти и врз имуниот систем и врз антиинфламаторните процеси. Индикации при коишто Bifidobacterium може да даде позитивни резултати се: констипација, инфекција со Helicobacter pylori, синдром на иритабилен колон, компликација по хируршки зафат за улцеративен колит, пулмонални инфекции, дијареа, улцеративен колит. Дијареа е една од најчестите состојби при коишто оваа бактерија се користи. Заедно со Lactobacillus acidophilus, Lactobacillus bulgaricus или Streptococcus thermophilus ја редуцираат дијареата.

Некои понови истражувања покажуваат дека бактериите од овој род можат да намалат констипација кај деца од три до шеснаесет години. Исто така, се покажало дека комбинација на Bifidobacterium longum со млеко или јогурт, администрирано две недели два пати на ден, може да ја зголеми перисталтиката на цревата. Земање на Bifidobacterium со други пробиотски бактерии, може да ги редуцира несаканите ефекти од самата терапија. Некои истражувања покажале дека комбинацијата на Lactobacillus acidophilus и Bifidobacterium помага да се редуцираат симптомите на покачена температура, кашлица и намалување на потребата од антибиотици кај деца со пулмонални инфекции. Комбинацијата од Bifidobacterium, Lactobacillus и Streptococcus помага при намалување на симптомите и спречува повторна појава кај пациенти со улцеративен колит. Bifidobacterium е ефикасен и кај инфекција во интестинумот предизвикана од бактерии (necrotizing enterocolitis; NEC).

Прочитајте:  Вашето работно место е повалкано, отколку што мислите

Д-р Ангелчо Јованчев


Споделете со пријателите!