Стресот може да го платите со вашето здравје, доколку загриженоста трае повеќе од неколку недели и почнува да ни влијае на нормалното финкционирање, тогаш треба да се побара помош
Непредвидено голема телефонска сметка, проблеми на работа или дома… се ова знае да предизвика загриженост и стрес. Како се справувате со стресот вие? Изгледате како лик од цртаните филмови на кој му излегува пламен од устата или сте сосема ладни и знаете да се издигнете над проблемот? Сите ние се грижиме од време на време, но ако загриженоста трае повеќе од неколку недели и почнува да влијае на нормалното функционирање на работа или дома, тогаш треба да се побара помош.
Начинот на кој се справувате со стресот може да го платите со вашето здравје. Доколку стресната ситуација трае може да дојде до појава на анксиозно растројство и нарушување на функцијата на органите. Под влијание на долготрајна загриженост настануваат промени во повеќе органи и системи.
Нервен систем
Ова е мрежа за пораки која е составена од централен дел кој го вклучува мозокот и ‘рбетениот мозок, периферен дел составен од автономни и соматски нервни единици. Автономниот нервен систем има директна улога во физичкиот одговор на стресот и е поделен на симпатикус и парасимпатикус. Прекумерната загриженост го активира симпатикус кој ги сигнализира надбубрежните жлезди за да ги ослободат хормоните адреналин и кортизол. Ослободувањето на таканаречените „стрес хормони“ води до забрзување на срцевата работа и дишењето, го зголемуваат шеќерот во крвта, води до ширење на крвни садови како и промени во процесот на варење на храната. Откако кризата ќе заврши, телото обично се враќа во претходна состојба.При хроничниот стрес, физичките реакции траат подолг временски период, и со тек на време ваквата состојба може да доведе до нарушувања на крвните садови срцето мускулите и другите органи и системи.
Мускули
Кога постои стрес целото тело е напрегнато. Мускулите во рамото и вратот се згрчени, а тоа може да доведе до мигрена или главоболки. Масажа или техники за релаксација, како што се длабоко дишење и јога, може да помогнат.
Дишење
Ако сте многу загрижени, дишењето може стане по длабоко или почесто-хипервентилација без да сте свесни за тоа. Иако ова обично не е голема работа, може да има сериозни последици ако веќе имате проблеми со дишењето поврзани со астма, хронична обструктивна болест на белите дробови или други состојби.
Срцето
Активноста на срцето и крвните садови исто така е координирана од стрес хормоните адреналин, норадреналин и кортизол.
Ако стресот трае долго, може да ја зголеми веројатноста да имате висок крвен притисок, срцев удар или мозочен удар. Повторувачкиот акутен или хроничен стрес исто така може да доведе до инфламација на крвните садови заради влијанието на стрес хормоните.
Шеќер во крвта
Кога телото е под стрес хипоталамус ги сигнализира автономниот нервен систем и питуитарната жлезда кое води до секреција на епинефрин и кортизол од надбубрег. Овие хормони стартно служат како помош за справување со стресната ситуација. При ослободување на адреналин и епинефрин црниот дроб продуцира повеќе шеќер. Кај некои луѓе телото е во состојба да го апсорбира вишокот на шеќер или да го искористи како енергија при справување со стресната ситуација, но за некои индивидуи тоа може да значи Дијабет.
Што можете да направите за да се справите со стресот?
Физичка активност, одржување на позитивен став, откажување од цигари, избегнувајте премногу кафе, уживајте во здрава исхрана и одржувајте здрава тежина. Ова се само неколку добри начини да се справите со стресот. Постојат и техники за стрес менаџмент и релаксација. Она што е најважно е да не го помешате стресот со анксиозноста. За да не ги помешате овие две работи консултирајте се со вашиот лекар.
Кога сте под стрес, дали:
- Јадете за да се смирите?
- Зборувате и јадете многу брзо?
- Пиете алкохол или пушите?
- Брзате наоколу, но не сте ефективни?
- Ги одложувате работите?
- Спиете премногу или имате несоница ?
- Се обидувате да направите премногу работи одеднаш?
Пробајте да си дадете одговор на овие прашања и доколку имате позитивен одговор на било кое од нив тоа значи дека би можеле да почнете со алтернатива од типот на физичка активност или примена на некоја техника за справување со стрес.
