covecki-organi-rasteni-vo-svinski-bubrezi
Споделете со пријателите!

Научниците од Колеџот за медицина при Универзитетот од Централна Флорида – UCF College of Medicine работат на медицински пробив – кој навидум звучи како научна фантастика, но може да го револуционизира светот на трансплантацијата – човечки органи растени од човечки клетки во животински органи (свински бубрези), откако свинските клетки се измиени
Свинските бубрези се многу слични на човечките органи, па затоа тие може да послужат како идеален шаблон. Истражувачите користат сапуни и детергенти за да ги отстранат свинските клетки од бубрезите. На овој начин останува розова маса во која потоа се сместуваат човечките клетки и се чека сè додека не порасне функционален орган.

„Како што ви е познато постојат многу луѓе на кои им се потребни органи за трансплантација, како што се црниот дроб и бубрезите, но залихите на овие органи се ограничени, а нивната побарувачка е голема“ – објаснува Д-р Бредли Виленберг – Bradley Willenberg. „Затоа потребен ни е начин за создавање на органи погодни за трансплантација за пациентите кои имаат потреба од нив“ – додава тој.

Ова откритие го намалува ризикот од отфрлање на органите после трансплантација, бидејќи органот е создаден од клетките на примачот.

„Отфрлањето е најчесто поврзано со клетките коишто постојат во органот. Па, доколку добиете орган од некој друг, тоа се негови/нејзини клетки, а вашето тело тоа го препознава како нешто страно“ – рече Д-р Виленберг од Катедрата за интерна медицина. Токму затоа бубрезите растени од клетките на домаќинот е помалку веројатно дека ќе бидат отфрлени после трансплантацијата.

„Ова е комплицирано, може да бидат потребни 10 до 20 години за да се изведе“ – истакна Д-р Едвард Рос – Edward Ross, претседател на Катедрата за интерна медицина и лидер на овој проект.

Прочитајте:  555 денови без срце [ВИДЕО]

Ова откритие ќе им го олесни животот на дијабетичарите

Специјалноста на Д-р Рос се бубрежните болести. Тој истакнува дека дијабетесот најчесто предизвикува оштетувања на бубрезите, што доведува до потреба од трансплантација или доживотна дијализа. Идејата за создавање на заменски органи по пат на разновидни системи, вклучувајќи го и 3Д печатењето добива сè поголема популарност помеѓу истражувачите. „Но предизвикот кај бубрегот е неговата сложеност“ – рече тој. „Технологијата сè уште не е во можност да направи синтетички шаблон за толку комплексна структура“ – додава Д-р Рос.

Истражувачите имаат постигнато успех растејќи клетки од човечки панкреас исто така во свински бубрези. Откритието на овие научници е за пофалба и поради тоа што тие откриле дека шаблонот направен од свински бубрег не е само идеална средина за растење на човечките бубрези, туку и на други органи и клетки. Васкуларната мрежа и бубрежните канали, овој шаблон од живо суштество го прават идеална подлога за растење на клетките што произведуваат инсулин од панкреасот, за имплантација кај дијабетичарите. Овој медицински напредок може да им помогне на дијабетичарите да примаат инсулин од панкреас којшто е создаден од нивните сопствени клетки. 


Споделете со пријателите!