Луѓето имаат тенденција да јадат околу 200 калории повеќе дневно во текот на есента
Луѓето покажуваат тенденција кон сезонски различен ритам на вкупната потрошувачка на калории. Внесот на калории особено на јаглени хидрати е поголем во есента како годишно време. Оваа појава е поврзана со зголемување на обемот на оброкот и поголема стапка на јадење.
Според д-р Џон де Кастро, професор по психологија на Универзитетот во Тексас, Ел Пасо, луѓето имаат тенденција дневно да консумираат околу 200 калории повеќе во текот на есенскиот период. Овај податок во однос на телесната тежина значи 3 до 4 килограми годишно.
Зошто повеќе јадеме во есен? Повеќе од веројатно е дека тоа е биолошко – ставање на тежина, кое е поврзано со потенцијалниот зимски глад со кој се соочувале нашите предци. објаснува Де Кастро.
Курт Краучи, доктор на науки, научник во Психијатриската универзитетска клиника во Базел, Швајцарија, ги проучил пациентите со сезонско афективно нарушување (еден вид нарушено расположение кое е предизвикано од недостаток на светлина)! Тој открил дека тие јаделе повеќе јаглехидрати, особено слатки, но исто така и храна богата со скроб, за време на нивната „зимска депресија“. Помалку или повеќе сите ние го чувствуваме недостатокот на светлина во текот на есенскиот период кој всушност е период кога треба да се адаптираме на пониските температури што следат. Не мора да ви биде поставена дијагноза депресија или сезонско афективно нарушување за да се забележи дека есента има влијание на нашите прехранбени навики.
Без оглед на причината, заради кој ги сменуваме нашите прехрамбени навики, важно е да се свати дека есенската храна супи, чорби, слатки компири, јаболка, тикви и сите видови зеленчук кои ги има во есен всушност се здрав избор. Тие обично се преполни со одлични хранливи материи, како што се влакна, протеини, бета каротен и витамин Ц.
Еве неколку совети со кои може да ја задоволите потребата за почесто внесување на храна во есента а при тоа да не мора задолжително да го зголемите обемот на струкот.
- Имајте на ум дека откако ќе ги вратите стрелките на часовникот назад, станува потемно, температурите се пониски, периодот дождлив, и времето поминато пред телевизор и пред компјутер е многу по долго одколку во летниот период. Додека седите пред телевизор, внимавајте на изборот на грицките додека ја гледате вашата омилена серија. Наместо чипс изберете нискокалорични оризови галети,
- Внесувајте храна богата со омега 3 масни киселини. Се смета дека исхраната богата со омега 3 штити од депресија. Јаткасти плодови, разните видови семиња во комбинација, односно микс на семки од тиква и сончоглед, сусам и ленено семе, не се само популарни здрави грицки, туку тие претставуваат богатство кое ги содржи овие здрави масти.
- Бидете сигурни дека внесувате доволно протеини,
- Спијте повеќе, луѓето кои спијат помалку од шест часа во текот на ноќта се изложени на поголем ризик да се разболат во сезоната на вируси.
- Убавите временски прилики во текот на ова годишно време искористете ги за прошетка или планинарење за да имате прилика од близу да уживате во боите на есента.
