kako-promenata-na-chasovnikot-vlijae-na-nas_image
Споделете со пријателите!

Започна зимското сметање на времето што значи дека стрелките на часовникот се поместија еден час назад односно дека порано се стемнува
Започна зимското сметање на времето што значи дека сонот ни се продолжи за цел час. Сепак, иако се спие час повеќе, квалитетот на сонот може да се наруши, велат лекарите. Истражувањата покажуваат дека луѓето, свесни за промената на времето, легнуваат подоцна од вообичаено.

Од друга страна пак, промената на часовникот може позитивно да влијае врз расположението. Иако се смета дека долгите ноќи водат кон депресивно расположение, всушност изложеноста на првите утрински сончеви зраци го подигаат расположението. Изложувањето на првите сончеви зраци ви помага да го синхронизирате 24-часовниот природен циклус односно биолошкиот ритам. Наш предлог е утринско трчање кое ќе ви овозможи убав и продуктивен ден, како и квалитетен сон. Исто така, придржувајте се до секојдневните навики за одење во кревет и легнувајте во приближно исто време. Исклучете ги сите екрани најмалку еден час пред спиење, бидејќи светлината ја инхибира секрецијата на супстанцијата за индуцирање на сонот, мелатонин. Токму затоа, важно е да се изложувате на светлина во текот на денот колку што е можно повеќе и порано, и обратно, не се изложувате на силна светлина кога е темно надвор. 

Историјата за поместување на стрелките на часовникот

Англичанецот Вилијам Вилет, во 1907 година ја вовел идејата за британското летно сметање на времето, со цел да се искористи сончевата светлина во текот на летните утра. На глобално ниво, промената на часовникот за прв пат била воспоствена за време на Првата светска војна од страна на Германија и Австрија и нивните сојузници, со цел да се намали потрошувачката на јаглен.

Прочитајте:  Дали дезодорансите може да предизвикаат рак на дојка?

Споделете со пријателите!