sindrom-na-postojano-ladni-race_image
Споделете со пријателите!

Ладни раце може да укажуваат на проблеми со здравјето
„Жените се почувствителни на пониски температури и почесто им е ладно заради естрогенот“
Покрај очигледната причина за ладни раце, ладни заради ладно време, оние кои имаат постојано ладни раце можеби имаат здравствени проблеми.  Едно истражување, истакнува дека жените се почувствителни на пониски температури и почесто им е ладно заради естрогенот, хормонот кој игра голема улога во регулирање на телесната температура.

Ако рацете ви се постојано ладни, можеби едноставно имате лошата циркулација, но исто така, може да станува збор за неколку здравствени состојби. Задолжително посетете лекар доколку забележите промена на бојата на кожата, но и трпки по рацете. Синдромот на ладни раце може да се појави како показател на некои болести, вклучувајќи вазоконстрикција, односно стеснување на крвните садови или пак заради блокада на крвните садови. Останати состојби поради кои можеби ви се ладни рацете се:

Анемија

Недостаток на железо во организмот и намалување на бројот на крвни зрнца или хемоглобин во крвта, предизвикуваат ладни раце. Можни причини за анемија се многу, вклучувајќи и несоодветна исхрана. Освен анемијата, ладните раце може да бидат и заради недостаток на витамин Б12 во организмот.

Хипогликемија

Ниско ниво на шеќер во крвта, може да предизвика ладни раце кај дијабетичарите.

Скелодермија

Станува збор за многу ретка автоимуна болест кога телото произведува премногу колаген, со што прекумерно се зацврстува кожата. Оваа болест се карактеризира со оштетување на малите крвни садови на кожата и внатрешните органи.

Лупус

Автоимуна болест кое се манифестира со хронично воспаление на зглобови, тетиви и останати ткива и органи. Како еден од можните знаци на ова заболување, се постојано ладните раце.

Прочитајте:  Превентива и третман на уринарни инфекции со пробиотици и Д маноза

Стрес

При состојба на стрес, се лачат хормони кои патуваат низ телото за да го подготват за можна закана. Во првата одбранбена линија е адреналинот, кој ги стега крвните жили во екстремитетите, па токму затоа, они кои патат од хроничен стрес, имаат ладни раце.

Доколку во истовреме имате и ладни стапала, поттикнете ја циркулацијата, која се појавува поради намалениот проток на крв како последица од послабо пумпање на срцето. Внимавајте да не дехидрирате и зголемете ја активноста.  Доколку работата ви е со седење, станувајте и раздвижете се после секој поминат час. Исто така, доколку сте пушач, престанете со пушење, заради штетноста на никотинот, а корисно е и да избегнувате консумирање на кофеин, бидејќи придонесува за стеснување на крвните садови.


Споделете со пријателите!