inicijativa-narecena-vezbanjeto-e-lek_image
Споделете со пријателите!

Создадена нова иницијатива помеѓу медицинските и фитнес професионалците со цел да се зголемат можностите на пациентите да вежбаат под искусен надзор надополнет со извештаи што ќе бидат праќани на увид на лекар 
Иницијативата „Вежбањето е лек“ (Exercise Is Medicine Initiative), соработува со организации што претставуваат 50% од фитнес професионалците од САД. Оваа иницијатива беше започната во 2007 година од страна на Американскиот колеџ за спортска медицина, со првична замисла – обезбедување на медицинските работници со ресурси што им се потребни за помош на нивните пациенти, со цел да се одржат на вистинскиот пат.

Многу пациенти успеале да ја преземат контролата врз својот живот со помош на моќта на вежбањето, заштитувајќи се од сериозни здравствени проблеми, како висок крвен притисок или пак, ноќна апнеја. Таква е приказната на Кеси Барнс (Kassie Barnes), која не само што успеала да се излечи од одредени заболувања, туку и ослабела над 36 килограми. Сепак, нејзината примарна цел не била намалување на телесната тежина, туку здравјето.

Она што вежбањето го нуди во смисла на сила и енергија – не можете да го најдете во апче.

„Навистина е важно да вежбаме за превенирање на овие хронични болести“ – истакнува д-р Реџина Бенџамин (Regina Benjamin), поранешен генерален хирург на САД. По завршувањето на нејзината должност како „Најдобар доктор на Америка“ и шеф на јавното здравство, д-р Бенџамин се врати на нејзината поранешна функција како директор на една рурална клиника во Алабама, каде што директно ја гледа штетата што може да биде предизвикана од седечкиот начин на живот.

Прочитајте:  Молекуларно скенирање на дојка (MBI)

inicijativa-narecena-vezbanjeto-e-lek_image2Таа вели дека вежбањето е витална алатка за нејзините пациенти, дури и доколку станува збор за подигање на импровизирани тегови или џогирање низ маало. „Започнете со вежбање, започнете да се движите, размрдајте ги вашите зглобови – овие нешта го подобруваат нивното здравје и мобилност и тие се посреќни“ – додава таа.

„Можностите се големи сè додека лекарите и фитнес заедницата соработуваат најдобро што можат

Многу други лекари ја поздравуваат оваа иницијатива. Д-р Памела Пик (Pamela Peeke) која воедно е фитнес експерт и професор-асистент на Факултетот за медицина при Универзитетот во Мериленд (University of Maryland School of Medicine), долго време била голем поддржувач на идејата вежбањето да се користи како лек. Таа вели дека можностите се бескрајни само доколку лекарите и фитнес заедницата соработуваат најдобро што можат за да им се помогне на пациентите.

Луѓето имаат страв од вежбање 

Еден од начините на кои луѓето би можеле да се активираат повеќе, особено доколку се принудени повеќето од времето да седат, е да се ослободат од стереотипите поврзани со спортувањето. Вежбањето не мора да биде „тешка работа“. Д-р Пик објаснува дека пациентите кои се демотивирани да вежбаат, треба да се поттикнат со тоа што вежбањето треба да биде не само прилагодено за нив, туку пред сè треба да биде забавно и интересно. Д-р Бенџамин додава дека вежбањето треба да биде добредојден дел од секојдневниот живот.


Споделете со пријателите!