sto-mu-pravi-predolgoto-sedenje-na-vaseto-telo_1
Споделете со пријателите!

Студиите покажале дека луѓето кои во просек гледале најмногу ТВ во текот од 8,5 години имале 61% поголем ризик од прерана смрт
Денес живееме во свет каде современите машини и иновативните технички помагала извршуваат поголем дел од нашата работа за нас, а со тоа во голема мера ја елиминираат потребата од физичка работа. И ако притоа знаеме дека скоро 1/5 од работниците во светски рамки имаат канцелариска работа која ги принудува луѓето да седат осум или повеќе часа на ден.

Според еден извештај објавен во Annals of Internal Medicine, просечен човек троши повеќе од половина од времето кога е буден во неактивна состојба (седење пред компјутер, гледање телевизија, патување до и од работа и сл.)

Иако технологијата носи очигледни предности, како што се правење повеќе работи за помалку време, зачувување на повеќе ресурси, поврзување со други луѓе брзо и едноставно, таа има и многу недостатоци.

Седењето на подолги период на време може да предизвика проблеми како хронична болка во грбот, лошо држење на телото, па дури и потенцијално смртоносни болести како дијабетес, срцеви заболувања и преголема дебелина.

Ако поминувате многу време во седење при извршување на вашите работни обврски, погледнете како тоа може негативно да влијае на вашето здравје:

Проблеми со мозокот, вратот и рамената

Кога се движиме, повеќе крв и кислород циркулираат низ мозокот, што ни помага да се задржи свесноста и остоумноста на нашиот ум. Седењето, пак на долги периоди време, го забавува протокот на кислород и крв до мозокот, а со тоа ја намалува нашата способност да размислуваме јасно.

Вратот, особено на вратните пршлени, кои го поврзуваат ‘рбетот со главата се под огромен притисок на работа, додека згрбавени зјапаме во екранот на компјутерот. Лошото држење на телото, како наведната поза над тастатурата, при долги периоди на време ги пре-оптегнува мускулите на грбот и рамената, а со тоа тие претрпуваат оштетување.

Проблеми со грбот

Еден од најраспространетите очигледни проблеми кај повеќето луѓе се болките во грбот. Фактор кој во голема мера придонесува за болки во грбот, боцки, како и оштетување на пршлените и дисковите на ‘рбетот, е лошото држење на телото. Движењето овозможува меките дискови помеѓу пршлените во ‘рбетот за да се шират и стеснуваат, дозволувајќи им на крвта и хранливите материи да навлезат во нив и да ги нахранат. При долго седење, дисковите стануваат нерамни и компактни, дури и предизвикуваат наталожување колаген околу тетивите и лигаментите.

Појавата на дискус хернија исто така е почеста кај луѓето кои поминуваат подолго време пред компјутер.

Дегенерација на мускулатурата

Седењето не изискува употреба на вашите стомачни мускули, а ако тие седат неискористените предолго, може да предизвика состојба т.н. лордоза или неприродно пре-истегнување на природниот лак на ‘рбетот. Плус, премногу долгото седење ја намалува целокупната флексибилност, особено во колковите и грбот. Флексибилните колкови помагаат при балансирање на телото, но при премногу долго седење, мускулите на препоните стануваат кратки и напнати.

И на крајот, мускулите на задникот стануваат меки и опуштени по пролонгирани периоди на неупотреба и со тоа се намалува вашата способност за правење долги чекори и за задржување на стабилноста на телото.

sto-mu-pravi-predolgoto-sedenje-na-vaseto-telo_2

„Расипување“ на органите

Седењето подолги временски периоди може да предизвика срцеви заболувања, кардиоваскуларни болести како и рак на дебелото црево. На кратко, овие проблеми се предизвикани од хиперпродукцијата на инсулин во телото поради неактивност и слаб проток на крв во органите. Редовно движење го зголемува бројот на антиоксиданси, кои пак помагаат при отстранувањето на канцерогените клетки.

Хиперпродукција на инсулин исто така, предизвикува зголемување на телесната тежина, што придонесува за појава на дијабетес и прекумерна дебелина.

Проблеми со нозете

Очигледно е дека предолгото седење ја попречува циркулацијата во нозете. Ова предизвикува крвта да се задржува околу глуждовите. Тоа пак подоцна резултира со отечени зглобови, проширени вени, па дури и штетни згрутчувања на крвта. Уште еден суптилен проблем предизвикан од продолженото седење е тоа што коските стануваат послаби и помалку густи. Редовна активност, како што се трчање или одење, помага да се задржи коските цврсти. Фактот дека се повеќе стануваме седечко општество, може да се објасни зошто толку многу постари луѓе страдаат од остеопороза.

Според студијата, луѓето кои во просек гледале најмногу ТВ во текот од 8,5 години имале 61% поголем ризик од прерана смрт во споредба со оние кои гледале помалку од еден час дневно.

Па, како да се бориме против оваа растечката епидемија на неактивност?

Прво, ако сте приморани да седиме подолги периоди на работа или за други цели, треба да се погрижиме да седиме исправено и по секоја цена да се избегнуваме лежење на бирото или наведнување или згрбавување над тастатурата. Добар начин вашиот грб да остане во исправена положба е наместо класичен канцелариски стол да седите на топка за вежбање, со што ги принудувате вашите стомачни мускули да работат прекувремено, а со тоа ќе го задржите вашето тело исправено. Доколку ова е премногу тешко, можете да пробате да седите на столче кое нема грб, како малку постабилна варијанта од топката за вежбање.

Прочитајте:  Холивудски фитнес трансформации: Натали Портман

Второ, пробајте редовно да станувате од положбата на седење и да се истегнувате. Колку често треба да го правите ова? Најмалку еднаш на секои триесет минути, велат експертите. Станете и прошетајте низ вашата канцеларија неколку минути. Ова ќе овозможи постојано тежење на крвта во вашето тело и ќе им овозможи на вашиот мозок и мускули да функционираат оптимално.

Трето, јогата или некои други вежби за истегнување можат да помогнат при одржување флексибилноста на мускулите и секако помагаат да се опушти умот, а со тоа да се намали притисокот од работниот ден. Во последно време се попопуларни стоечките работни маси. Доколку набавите една ваква стоечка маса, стоењето ќе ве натера да ја вршите вашата работа во исправена положба. Ова помага крвта и кислородот слободно да течат низ телото, а со тоа се намалува на ризикот од згрутчување на крвта и други опасни здравствени проблеми.


Споделете со пријателите!