dali-sedenjeto-so-prekrsteni-noze-e-navistina-stetno-po-zdravjeto-image
Споделете со пријателите!

Ако некогаш сте се запрашале дали ваквиот начин на седење може да биде штетен кога здравјето е во прашање, тогаш време е да дознаете
Иако до сега имало повеќе истражувања според кои седењето со прекрстени нозе може да биде штетно по здравјето, сепак има некои митови во врска со тоа кои треба да се земат во предвид. Според таквите истражувања, седењето со прекрстени нозе може да влијае врз крвниот притисок, циркулацијата на крвта и да придонесе за проширени вени. Но, ајде да видиме дали е тоа навистина така.

Проширени вени

„Преголемата телесна тежина, возраста, гените или бременоста се сметаат за ризик фактори за појава на проширени вени кај луѓето“

Проширени вени може да се појават на нозете и стапалата. Најчесто не се многу сериозни, но сепак може да предизвикаат болка и треба навистина да се земат во предвид. Преголемата телесна тежина, возраста, гените или бременоста се сметаат за ризик фактори за појава на проширени вени кај луѓето. Но, многумина од лекарите се согласуваат дека седењето со прекрстени нозе не предизвикува проширени вени. Тоа го препишуваат на самите вени, односно гените се главните виновници.

Крвен притисок 

Иако како резултат на некои истражувања прекрстувањето на нозете се поврзува со висок крвен притисок, сепак тоа не е сосема вистина. Прекрстените нозе не се причина за појава на срцеви проблеми, како висок крвен притисок, но може да предизвикаат привремено зголемување на крвниот притисок. Ова се случува поради тоа што кога нозете се прекрстени тие ги притискаат крвните садови и поголемо количество на крв се носи до срцето. Овој факт не значи дека седењето во ваква положба ќе го оштети срцето. Но, ако сте ризични кога станува збор за појава на згрутчувања во крвта, најдобро е да се консултирате со лекар за тоа како седечката положба може да влијае на вашето здравје.

Прочитајте:  Промени во најновите упатства за вежбање и физичка активност во САД

Намалена циркулација

Не постојат многу докази дека седењето со прекрстени нозе може долгорочно да ви ја наруши циркулацијата на крвта. Останувањето во една седечка положба подолго време може да предизвика чувство на трпнење и вкочанетост во нозете, па истото важи и за прекрстените нозе. Најчесто, потребно е да се смени положбата на седење или држењето на телото додека седиме.

Воопшто, доброто држење на телото без разлика дали стоите или седите може да го подобри протокот на крв како и концентрацијата и менталното здравје, спречува болки во грбот и ја подобрува работата на белите дробови.

Па затоа, можеби повеќе внимание треба да се посвети на проблемите кои можат да произлезат од положбата и времетраењето на седењето, отколку од седењето со прекрстени нозе.


Споделете со пријателите!