aktivni-po-40tata-godina-od-zivotot_image
Споделете со пријателите!

Целта на континуираното вежбање е да го одржите срцето здраво, коските цврсти и умот бистар
Да се биде фит после четириесеттата година, е позитивен став кон животот, но и обврска, бидејќи само здраво тело значи и добро ментално здравје, кое е неопходно за квалитетен живот. Доколку сакате да вежбате, но не знаете како да започнете, особено доколку не сте биле многу физички активни пред тоа, знајте дека може да започнете кога сакате. Единствен начин да не успеете е да не се обидете, сè друго ви е од полза.  Целта на вежбањето е да го одржите срцето здраво, коските цврсти, умот да ви е бистар и кожата да ви сјае.

Исто така, вежбањето ве заштитува од дијабетес, го намалува крвниот притисок, ги намалува мастите, го подигнува „добриот“, а го намалува „лошиот“ холестерол, ги регулира хормоните, ја подобрува циркулацијата и го регулира дигестивниот систем.

Да, сето тоа го прави континуираната физичка активност и не станува збор за чудо, туку за посветеност, дисциплинираност и издржливост.

Менувајте ги навиките една по една

Радикална промена на животниот стил најчесто трае многу кратко време и на тој начин ништо значајно нема постигнете. Многу е важно да пронајдете вид на физичка вежба во која ќе уживате и која нема да ви претставува обврска, туку задоволство. Исто така, многу е важно да поставите реални цели, но и доволно да ги познавате вашите можности. На пример, немојте да планирате да трчате доколку имате вишок килограми, бидејќи на тој начин може да завршите со повреда во зглобовите. Наместо тоа, одлучете се за пливање, јога или пилатес.

Прочитајте:  Холивудски фитнес трансформации: Натали Портман

Не се преоптеретувајте

aktivni-po-40tata-godina-od-zivotot_image1Повеќе вежбање, не значи секогаш и подобро. Во секој случај, интензитетот на вежбањето првично зависи од кондицијата што ја поседувате. Ако сте физички спремни, тогаш обрнете внимание на квалитетот на вежбите, а не на интензитетот. Доколку пак сте биле неактивни подолго време, вежбајте на интервали. На пример, пешачете 15 минути наутро и исто толку навечер. Дури и десет минути вежбање дневно , придонесува за позитивни промени во здравјето, како намалување на заморот, повеќе енергија и подобар сон.

Добро загрејте се

Со текот на годините, потребно е подобро загревање на телото пред вежбање, со цел да се спречи можна повреда. Затоа, најдобро е да започнете на статичен велосипед десетина минути пред вежбањето.

Вежбајте кардио вежби

Кардио вежбите се најдобриот избор за физичка активност после четириесеттата година од животот, бидејќи се добри за оптимална работа на срцето. Исто така, постојат и бројни истражувања, кои што укажуваат дека со тоа што се подобрува работата на срцето, оние кои што практикуваат кардио, го продолжуваат животниот век за четири години. Аеробичните вежби како одење, возење велосипед, трчање и пливање го чуваат срцето здраво и се добри за целокупното здравје. Доколку сте почетник, не се обесхрабрувајте. Започнете со десет минутна аеробична активност пет дена во неделата и секоја недела зголемувајте го времето на вежбање за 10 минути, сè додека не стигнете до 30 минути дневна физичка активност.


Споделете со пријателите!