nekolku-greski-pri-vezbanje-koi-go-zgolemuvaat-rizikot-od-nastinki_image1
Споделете со пријателите!

Мислите дека сте заштитени од настинка бидејќи вежбате? Научете кои се најчестите грешки при вежбањето кои имаат спротивен ефект врз здравјето
Добро познати се начините на кои можеме да ја спречиме настинката во зима. Потребно е редовно и темелно миење на рацете, да не се допира лицето, да се јаде многу зеленчук и овошје и слични препораки кои можеме да ги добиеме од матичните лекари. Доколку оваа сезона одлучивте да сте физички активни со цел да го подобрите здравјето а со тоа и да се заштитите од грип и настинка, треба да знате кои се најчестите грешки што сите ги прават при вежбање. Вежбањето е одличен избор, особено за зима, и без оглед за која фитнес програма сте се одлучиле, тоа може да биде штетно доколку не се следат следниве препораки.

Внимавајте на хигиената

Секако дека треба да се внимава на хигиената при секое вежбање и во секоја сезона, но во зимскиот период е особено важно заради преснесување на бактерии. Исчистете ги површините и опремата со која вежбате за да спречите настинка. Без оглед дали вежбате дома или во сала, секогаш внимавајте на хигиената. Доколку вежбате дома, простирката редовно чистете ја. Исто така, доколку посетувате теретана, редовно бришете ги справите за вежбање и тоа пред да ги употребите и задолжително откако ќе завршите со вежбање.

Не го прескокнувајте вежбањето

nekolku-greski-pri-vezbanje-koi-go-zgolemuvaat-rizikot-od-nastinki_image2Редовноста при вежбањето е многу важна за одржување на здравјето. Нека не ве демотивира ладното време, облечете се топло и бидете редовни на тренинзите. Доколку вежбате дома, отстранете ги сите нешта кои што можат да ви го одземат вниманието. Триесет минути физичка активност (пливање, трчање, играње, возење велосипед) го зголемува нивото на клетките задолжени за зајакнување на имунитетот. Оние кои вежбаат неколку пати неделно, дури за 50 проценти ги намалуваат шансите за настинка, за разлика од оние кои што не се занимаваат со физичка активност, открива едно истражување. Освен тоа, вежбањето ве заштитува и до три часа откако ќе завршите со тренингот и долготрајно го подобрува здравјето бидејќи го одржува имунитетот силен и на тој начин се бори против вируси и бактерии.

Прочитајте:  Дали вашата исхрана
ви го саботира вежбањето?

Не вежбајте премногу

Интензивното вежбање кое трае над 90 минути е штетно за вашето здравје. Тоа се случува бидејќи долгото и напорно вежбање, мозокот го разбира како стрес и започнува да се брани, односно го активира имунитетот. Овој вид на стрес, мозокот го разбира како психолошка кочница која се активира кога сме во опасност. При интензивно постојано вежбање, складирањето на јаглехидратите се намалува, се зголемува телесната температура и се распаѓаат мускулни клетки. Секако дека се можни прилагодувања. Доколку сте спортски тип и ви е потребна поголема физичка активност, можете непречено да вежбате и подолг период, доколку одберете вежби со послаб интензитет и со повремена активност, односно со прекини и паузи, а не постојана. Искористете ја зимата за зимски спортови и активности.

Без обилно потење

Распространето е мислењето дека доколку сте настинати, доброто потење ќе помогне настинката побрзо да пројде. Но ова не е точно. Кога веќе ги чувствувате симптомите на настинка треба да одмарате а не да вежбате, бидејќи со вежбањето може да само да ја влошите здравствената состојба. За време на вежбањето, срцето забрзано работи и испумпува крв пет пати повеќе околку кога е во позиција на одмор. Токму затоа, вирусот на грип може подолго време да се задржи во срцето и да доведе до воспаление, односно една состојба наречена ендокардитис која може да го оштети срцето. Вежбањето кога имате настинка може единствено да го пролонгира процесот на оздравување.


Споделете со пријателите!