Не е важно само да решите да вежбате, важно е тоа да го правите во континуитет
И покрај тоа што сте ја поминале најтешката фаза наречена „Од утре почнувам да вежбам“ и навистина сте почнале да вежбате, значи дека сте на добар пат. Но сепак тоа не гарантира успех, бидејќи посакувани резултати се добиваат единствено со издржливост, истрајност и решеност да се продолжи со вежбањето. Во продолжение Ви нудиме неколку совети како да издржите и да продолжите со вежбањето и тогаш кога имате критични моменти.
Движете се
Вашите активности треба постојано да се поврзани со движење а не само во часовите посветени за вежбање. Постојаното движење и пешачење, секојдневно Ве зајакнува и Ви гарантира подобар успех при изведувањето на фитнес програмата за која сте се одлучиле да ја практикувате.
Вежбајте наутро
Многу од луѓето кои вежбаат со години, тоа го прават наутро. Вежбањето наутро се препорачува од повеќе причини. Прво, доколку тоа Ви биде првата зацртана задача во денот, помала е веројатноста дека ќе ја прескокнете. Понатаму во денот сте поизморени и можно е да се откажете. Освен тоа, вежбањето го поттикнува хормонот на среќа, па така Ви гарантира убав и исполнет ден.
Храната е Вашиот сојузник
Не дозволувајте Вашата исхрана да биде пречка кон посакуваните цели и знајте дека попусто вежбате доколку не внимавате на исхраната. Откажете се од газираните напитоци и напитоците, пијте вода и чаеви и консумирајте непреработена сезонска храна. Јадете помали порции повеќе пати во денот и бавно јадете ја храната. Наутро пијте сок од лимон за Да ве прочисти и да Ви го зголеми имунитетот. Најдете здрава замена за омилената високо калорична храна.
Направете го вежбањето забавна активност
Најдете фитнес програма која нема да Ви здосади после првиот тренинг. Најдобри програми се оние кои нудат различни видови на вежби и различни рутини. Поведете и пријател бидејќи вежбањето во друштво е позабавно а освен тоа добро е за давање меѓусебна поддршка.
Мотивирајте се
Ова звучи полесно да се каже отколку да се направи, но бидете упорни. Доколку после првиот месец не се чувствувате подобро, можеби тие вежби не се за Вас. Водете дневник или календар, бидете организирани и запишувајте ги своите резултати. По одредено време ќе го забележите постигнатиот успех кој ќе Ви помогне да се мотивирате. Лош начин на мотивирање е споредувањето со други, тоа може често да предизвика незадоволство. Наместо тоа, натреварувајте се со самите себеси и трудете се секој ден да ги поместувате Вашите граници на издржливост. Излезот од комфор зоната значи напредок.
