detoksikacija-na-vaseto-telo
Споделете со пријателите!

Детоксикацијата е чистење на телото од сите отрови кои се насобрале со текот на времето. Дознајте повеќе како да му помогнеме на нашето тело при неговата секојдневна работа полесно да се исчисти од токсините
Од време на време, не е на одмет да му помогнеме на нашиот организам полесно да се ослободи од отровите кои се насобрале. Не, нема да ви предложиме некоја од популарните диети за „детоксикација“ бидејќи се недокажани и потенцијално опасни. Нашето тело си има свој начин да се ослободи од штетните материи и отровите во организмот, но модерното време и брзиот начин на живеење придонесуваат за таложење на поголеми количини на штетни материи кои нашето тело не може да стигне да ги исфрли самостојно. Тука можеме да му помогнеме ние самите најчесто преку исхраната.

Дали ви е потребна детоксикација?

Постојат неколку начини на кои можете да препознаете дали ви е потребно чистење на организмот од отрови:

  • Замор;
  • Иритирана кожа;
  • Алергии;
  • Подочници;
  • Надуеност;
  • Менструални проблеми;
  • Состојба на збунетост.

Со помош на детоксикација ги одмарате внатрешните органи затоа што јадете полесна храна, го стимулирате црниот дроб да ја прочистува крвта, отровите полесно се исфрлаат од организмот, се подобрува циркулацијата на крвта, а телото кое е прочистено од отрови полесно ги добива потребните хранливи материи.

Меѓутоа, целосната детоксикација на телото по одредени планови на исхрана и диети еднаш до два пати годишно и неправилната исхрана во меѓувреме не се воопшто препорачливи. Наместо да се подложуваме неколку пати годишно на диети и планови на исхрана со кои ќе го исчистиме нашето тело од отрови, секојдневната детоксикација се препорачува како многу подобар избор.

Прочитајте:  Какава музика слуша секој Хороскопски знак

Начини за секојдневна детоксикација на вашиот организам

Правилната исхрана и соодветните начини за секојдневно чистење на телото од штетните материи можат да придонесат за подобрување на целокупната здравствена состојба на организмот. Се препорачува да се јадат големи количини на зеленчук и овошје во текот на денот. Доколку еднаш дневно јадете салата во која ќе измешате различни видови на зеленчук вклучувајќи и различни видови на тревки и зачини, не само што ќе ги исфрлите сите отрови од телото туку и ќе ја подобрите функцијата на органите и ќе ја спречите појавата на болести.

Освен зеленчук и овошје се препорачува да се јаде риба, јајца, месо што не содржи многу маснотии, маслиново масло, бадеми, ореви, семки од сончоглед и тиква, сусам, итн.

Пијте многу течности за да и помогнете на крвта да се прочисти од штетните материи. Започнете го денот со чаша топла вода во која ќе исцедите половина лимон, а продолжете така што ќе пиете од 2-3 литри течност дневно (вода, чаеви и свежи сокови од зеленчук).

Тргнете се на страна од стресот. Стресното живеење нема да ви помогне во вашата цел да си го подобрите здравјето и да ги исфрлите отровите.

Вежбајте барем еден саат дневно за да ја забрзате циркулацијата на крвта и да ги исфрлите отровите преку потење. Изберете начин на вежбање кој ќе го забрза потењето, но истовремено ќе ве забавува.


Споделете со пријателите!