lubenicata-kako-hranlivo-i-osvezitelno-resenie-za-letnite-denovi
Споделете со пријателите!

Кога жештината ќе стане неподнослива, земете парче лубеница и освежете се, а воедно и прочитајте повеќе за нејзината хранлива вредност
Лубеницата се состои од 92% вода, па затоа е совршен начин да ја задоволите потребата од освежување кога времето е неподносливо жешко. Истовремено, ќе ги задоволите и потребите на организмот кога се во прашање хранливите материи затоа што лубеницата ги содржи во изобилие. Доколку одлучите да каснете парче лубеница, во вашиот организам ќе внесете витамин А, витамин Ц, витамин Б6, калиум, многу антиоксиданси, амино-киселини како и значителна количина на ликопен. Ова летно освежување не содржи масти, а содржи многу малку калории и многу ниско ниво на натриум.

„Лубеницата е одлична за хидратација, водата што ја содржи ја згасува жедта, а електролитите помагаат да се спречи појавата на топлотен удар.“

Кога станува збор за ликопенот, може да се каже дека неговото дејство во човечкиот организам е поврзано со здраво срце, здрави коски како и со превенција на рак на простатата. Исто така, ликопенот е моќен антиоксиданс кој има анти-воспалително дејство. Најголемо количество на ликопен има во убаво созреаните лубеници. Црвената боја на лубеницата (како и бојата на доматот, црвениот цитрон, гуавата, итн.) доаѓа токму од ликопенот, а колку е поцрвена бојата на лубеницата, толку поголема количина на ликопен таа содржи.

Нивото на бета-каротин во лубеницата е исто така поголемо ако таа е убаво созреана. Амино-киселините во лубеницата помагаат за подобра циркулација на крвта и придонесуваат за подобро кардиоваскуларно здравје. Цитрулинот и аргининот се амино-киселини кои се добри за срцето. Аргининот го намалува таложењето на вишок масти во организмот. Исто така, консумирањето на лубеница ја намалува болката во мускулите што се јавува по вежбањето и тоа благодарение на горенаведените амино-киселини.

Прочитајте:  Зошто вреди да научите да пливате ова лето

Лубеницата е храна која е одлична за хидратација. Водата што ја содржи ќе ви ја згасни жедта, а електролитите можат дури и да ја спречат појавата на топлотен удар. Во лубеницата има и растителни влакна кои помагаат за добро варење на храната. Витаминот А што го има во лубеницата е одличен за кожата и за косата.

Се додека ја јадете лубеницата во разумни количини нема да се соочите со некои од несаканите ефекти. Но, доколку изедете големи количини лубеница дневно, може да искусите некои проблеми поради зголеменото количество на ликопен или калиум што сте го внесле во организмот. Доколку внесете повеќе од 30 грама ликопен дневно може да се појави дијареа, надуеност, лошо варење на храната или гадење. Треба да се внимава и на шеќерот кој го има во лубеницата. 

Нека не ви сметаат летните горештини, погледнете го видеото и подгответе си го овој вкусен и освежителен пијалак.


Споделете со пријателите!