Колку белиот леб е здрав?
Бојата е важен аспект во нашиот живот и влијае на секој избор повеќе од што можеме да замислиме. Кога станува збор за храна – повеќето шарени јадења генерално го придобиваат нашето внимание. Често сме навикнати дека шареното е еднакво на здраво, а белото – спротивно.
„Белата храна“ обично се однесува на производи како бел леб, тестенини, рафиниран шеќер и бел ориз – односно сите рафинирани јаглехидрати кои се многу лесни за вашето тело да ги процесира.
Оваа бела храна е прикажана на таков начин – што обидот да се оправда нејзината боја денес е речиси невозможно. Сепак, белата храна не е толку опасна за нас. Откако ќе се дознаат видовите на јаглехидрати кои можат да ви помогнат, а кои да ви наштетат, подобро ќе можете да се соочите со искушението на обработена бела храна, и ќе можете да одберете производи кои можат добро да влијаат врз вашето здравје.
Корените на митот за „белата храна“
Диетите со мал број на јаглени хидрати, кои беа популарни на почетокот од 2000-та година, не траеа многу долго, но сепак оставија моќно наследство: eлиминирање на една специфична група на храна за да дојдете до неверојатни резултати. За исхраната со ограничени јаглехидрати, која беше толку едноставно да се наметне, само со одбегнување на обработени и рафинирани јаглeхидрати, а во некои случаи, дури и ограничување на сложените јаглехидрати. Во исто време, студиите укажувале дека рафинираните јаглехидрати се основа за растечка епидемија на дебелина, како и голем придонесувач за дијабетис тип 2.
Јаглехидратите денес
Истражувањата продолжуваат и денес, и денешните експерти не се толку сигурни за строгите тврдења кон јаглехидратите. Сепак, тие се едни од трите основни макронутриенти, кои се апсолутно задолжителни за добро здравје. Точно е дека јаглехидратите кои што изобилуваат со хранливи материи и растителни влакна се подобри за вас, сепак треба да има простор и за останатите јаглехидрати во вашата исхрана.
Проблемот со рафинираните јаглехидрати
Во принцип – разликата помеѓу обработените јаглехидрати и останатата храна од нивната група, е содржината на влакна. Во белата храна, тие се отстранети со што се елиминира голем дел од витамините, минералите и растителни влакна. Исто така, голем фактор е и самата ситост која се чувствува по јадењето на оваа храна и лесно е да се прејадете. Иако храната постојано се истражува, факт е дека нам ни е потребна храна богата со растителни влакна и витамини, но тоа не значи дека „белата храна“ воопшто не е здрава.
