Дознајте која храна доведува до состојба на опстипација за да ја отстраните од вашето мени
За проблемите со опстипација никој не сака да зборува, но всушност претставува проблем на многумина. Веќе претходно пишувавме за причините за опстипација, а сега ќе се задржиме на храна која што треба се избегнува, односно храна која што доведува до состојба на опстипација. Оваа состојба не треба да се прифати како дел од вашето секојдневие, бидејќи непријатните гасови и болката во стомакот може да се намалат доколку се избегнат одредени видови храна. Откријте која е таа храна и заменете ја со храна богата со хранливи влакна.
Млечни производи
Се смета дека млечните производи предизвикуваат опстипација и за многумина тоа е точно. Ова се должи првенствено на нивната висока калоричност и малото присуство на хранливи влакна. Освен тоа, основна нивна состојка и заеднички именител е млекото, кое содржи лактоза, а лактозата создава гасови и грчеви.
Црвено месо
Црвеното месо содржи голема концентрација на масти и мал број на влакна, кои што ја намалуваат дигестијата и го забавуваат нормалното варење на храната. Црвеното месо исто така содржи и протеини, кои што организмот побавно ги вари. Впрочем ова месо се смета за храна која што најдолго се вари.
Кофеин
Доколку патите од опстипација и имате навика да пиете шолја кафе дневно, обидете се да најдете замена за него. Кофеинот доведува до дехидрација која што води до опстипација. Овде ќе го спомнеме и чоколадото, кое и покрај бројните придобивки, го забавува дигестивниот процес, содржи масти и секако, кофеин.
Пржена храна
Пржената и мрсна храна како помфрит, крофни, па дури и риба подготвена на ваков начин ја забавува дигестијата и токму затоа, овој вид на храна претставува причина за опстипација. Наместо по пат на пржење, обидете се храната да ја приготвувате на пареа или да ја варите.
Замрзната преработена храна
И покрај тоа што овој вид на храна претставува лесно и брзо решение за ручек или вечера, сепак обидете се ја избегнувате. Воопшто, брзиот начин на живот кој диктира брза храна, доведува до состојба на опстипација. Нутриционистите предупредуваат дека замрзната преработена храна скоро секогаш има малку хранливи влакна и многу масти. Исто така, преработената замрзната храна содржи и високо ниво на натриум, а тоа значи сол кој што ја задржува течноста во телото. Поради сите овие причини, бидете се да ја сведете на минимум.
Банани
Интересен податок при консумирањето банани е дека тие можат да бидат причина за опстипација а воедно и храна кога што ослободува од опстипација. Ова зависи од тоа колку е зрела бананата. Зелените банани предизвикуваат констипација, додека зрелите банани ослободуваат од опстипација. Тоа е така бидејќи зрелата банана содржи калиум кој ја регулира рамнотежата на течностите во организмот. Растителните влакна кои што ги поседува, помагаат при одржување на здрав дигестивен тракт.
