poremetuvanje-vo-ishranata-kaj-tinejdzeri
Споделете со пријателите!

Од пореметување во исхраната патат подеднакво и девојчињата и момчињата
Да се излезе во пресрет со потребите и желбите на еден тинејџер е многу тешка задача за родителите, бидејќи најчесто, ни самите тинејџери не знаат што сакаат. Но за тоа не се тие виновни, бидејќи поминуваат низ една многу деликатна фаза во животот, пубертет, нешто што понатаму се одразува на формирање навики, водење грижа за себе и начин на живот. Овој период е исполнет со многу несигурност, во телото се случува експлозија од хормони, кои предизвикуваат емоции што се интензивни и измешани, додека надворешниот изглед драстично се менува. Токму затоа, еден тинејџер е несигурен а со тоа и емотивно нестабилен.
„Поттикнете го своето дете да јаде здраво и пренесете му позитивен став кон храната и кон телесниот изглед“
Таа нестабилност и стрес многу често се одразува со пореметување во исхраната, состојба која подеднакво ги зафаќа и момчињата и девојчињата. Порано беше почест случај кај девојчињата, но во поново време, станува сериозно и кај момчињата, најмногу заради сѐ поголемиот социјален притисок да се биде слаб и модерен. Најчести пореметувања во исхраната кај тинејџери се анорексија и булимија.

Анорексија

Најлесен начин да се добие посакуваната фигура е секогаш нездравиот, бидеќи здравото слабеење подразбира труд и трпение. Анорексијата е најзастапено пореметување во исхраната кај тинејџерите, кое ако не се открие навреме може да има фатални последици. Анорексија едноставно кажано, претставува фобија од храна, која што е пропратена со нереална слика за состојбата на телото. Тинејџерот со искривена перцепција за своето тело, се окупира со броење калории, интензивно вежба и многу често употребува лаксативи. Дејството и последицата од користење лаксативи, предизвикува слабост на цел организам. Нередовната и слаба исхрана може да го запре менструалниот циклус кај девојчињата. Исто така, може да доведе до губење на коскената густина, нешто што понатаму во животот може да има последици, како на пример појава на рана остеопороза.

Прочитајте:  Европска Недела на Имунизација
20 до 25 Април 2015

Булимија

Булимијата потешко може да се открие бидејќи тинејџерот нема толкав голем страв од храна како при анорексија, но има други опасности. Цела храна што се консумира, мора веднаш да се извади надвор преку присилено повраќање. Исто како кај анорексијата, овие тинејџери се преокупирани со својот изглед. Затоа најчест придружник на булимијата е депресијата и честите промени на расположение. Како последица од интензивното повраќање, ова пореметување предизвикува дехидрација, оштетување на цревата и бубрезите и губење на минерали и електролити кои го слабеат срцето и можат да предизвикаат срцев удар.

Поттикнете го своето дете да јаде здраво и пренесете му позитивен став кон храната и кон телесниот изглед. Само на тој начин можете да превенирате вакви пореметувања во исхраната.


Споделете со пријателите!