Љубовта не само што дава чувство на среќа, туку може позитивно да влијае и врз физичкото здравје
Не постои повозвишено чувство од љубовта во секоја форма. Љубовта не само што дава чувство на среќа, туку може позитивно да влијае и врз физичкото здравје. Иако не делува на романтичен начин како што се доживува, љубовта го штити здравјето на повеќе начини. Имено, заљубувањето ги менува хемиските реакции во мозокот. Вашето расположение всушност зависи од допамин, окситоцин, кортизол итн. Ова значи дека чувствата потекнуваат од хемиските супстанци што ги лачат жлездите а меѓусебната привлечност се јавува како резултат на низа хемиски реакции што се случуваат во организмот. Лачењето на овие супстанци пак, е резултат на надворешни дразби кои што организмот ги прима.
Срце
Влијае врз срцето. Иако научниците одамна имаат докажано дека се сака со мозокот, а не со срцето, љубовта може значително да влијае врз работата на срцето. Оние коишто се во среќни врски се помалку под стрес, со што се подобрува нивното кардиоваскуларно здравје. Доколку љубовта не е возвратена, таа пак влијае врз срцето. Во тој случај, станува збор за синдромот на скршено срце, синдром кој ги имитира симптомите на срцев удар и најчесто се одликува со губење на воздух и болка во градите. Ваквата состојба не претставува само субјективно чувство, туку е научно потврдена состојба.
Имунитет
Го зајакнува имунитетот. Љубовта го намалува стресот, вознемиреноста и депресијата, а го зајакнува имунитетот. Истражувачите од универзитетот „Карнеги Мелон“ открија дека луѓето коишто се во среќни врски помалку се разболуваат.
Болка
Ја намалува болката. Според неколку различни истражувања, пријатното чувство кога ја држите раката на саканата личност, може да ја намали болката. Сите истражувања се направени врз испитаници коишто биле во брак и болката повеќе се намалува кај жените отколку кај мажите. Воедно, луѓето во брак помалку се жалеле на главоболки и болки во грбот.
Мозок
Ве прави попаметни. Мозокот кога е заљубен е попаметен, тврди едно истражување. Лудата заљубеност го тера мозокот да испушта допамин, со чија помош се подобруваат когнитивните и моторните функции.
