sakame-so-mozokot-a-ne-so-srceto_2
Споделете со пријателите!

Што му се случува на мозокот кога се заљубуваме прикажано низ научни факти
Љубовта има моќ да променува, таа нè прави да се чувствуваме победнички и дава чувство на среќа. Широко е прифатено верувањето дека се сака со срце и со душа, но науката тврди нешто друго. Љубовта често нѐ поттикнува да направиме работи кои никогаш претходно не сме ги направиле и некогаш дури дава чувство на лудило. Но што всушност поттикнува на такво однесување? Не, не е срцето. Можеби поетите ја опишуваат љубовта како мистериозна, но научниците одамна ја имаат решено оваа мистерија преку различни истражувања. Низ неколку факти ќе прикажеме како љуби мозокот и кои хемиски реакции ги поттикнува на промена.

Заљубувањето буквално го менува мозокот

Заљубувањето потополно ги менува хемиските реакции во мозокот. Тоа го прави со помош на еден „опасен“ коктел составен од допамин, окситоцин, кортизол и васопресин. Во голема мера токму тие се заслужни за вашето однесување. Вие сте позаштитнички настроени, полојални сте, помалку осудувате, поседувате зголемена емпатија и дарежливост, посреќни сте и не можете да живеете без личноста која ја сакате.

Дава чувство на зависност

Многу често љубовта се споредува со дрога и ова романтично тврдење всушност не е далеку од научната вистина. При процесот на заљубување, мозокот го користи истиот систем што се активира кога човек е зависен од дрога, и тоа вклучувајќи ги сите постапни етапи, од почетна еуфорија до несопирливата желба за повеќе.

Се чувствувате сигурно и заштитено

Истажувањата покажуваат дека кога чувствувате љубов кон некого, дел од мозокот што ги контролира негативните емоции и стравот, едноставно се исклучува. Мозокот и телото го паметат вашето најрано детство, па така, додека сте заљубени, тие повторно го креираат истото чувство на сигурност што сте го имале во мајчината прегратка.

Прочитајте:  Ефектот на странски акцент [ВИДЕО]

Вие блескате (однадвор и одвнатре)

sakame-so-mozokot-a-ne-so-srceto_1Состојбата на вљубеност го забрзува протокот на крв во мозокот, односно во еден од неговите центри за задоволство научно наречен нуклеус акумбенс. Резултатите од едно испитување со магнетна резонанца, покажуваат дека овој дел од мозокот буквално свети кога човек е заљубен. Овој наплив на забрзан проток на крв е присутен во фазата на привлекување, кога партнерите се окупирани еден со друг.

Станувате попаметни

Мозокот кога е заљубен е попаметен, тврди едно истражување. Лудата заљубеност го тера мозокот да испушта допамин, со чија помош се подобруваат когнитивните и моторните функции.

Откривме дека освен за добрата психичка состојба, љубовта е корисна за целокупното здравје. Секој човек сака да е здрав, затоа, доколку не сте заљубени, потрудете се да најдете љубов, барем од здравствени причини!


Споделете со пријателите!