zdravstveni-naviki-sto-treba-da-gi-promenat-mazite-koi-sakaat-da-stanat-tatkovci_image
Споделете со пријателите!

Променете неколку здравствени навики за да ја подобрите плодноста
Доколку со вашата партнерка планирате бременост, тогаш знаете дека е неопходно да се направат одредени медицински истражувања за да се утврди здравствената состојба на двајцата партнери и да се одреди поволноста за забременување според добиените резултати. Кај мажите, постојат неколку фактори кои што можат да влијаат врз плодноста. Ви нудиме краток преглед на можните фактори, како и насоки за подобрување на севкупното здравје, за да ги подобрите шансите за оплодување.

„Време е да направите свесни избори доколку сакате животни промени“

Познато е дека квалитетот на спермата се намалува со текот на годините, но врз нејзиниот квалитетот влијаат и секојдневните животни навики поврзани со исхраната и физичката активност. Квалитетот на спермата е одреден од различни фактори вклучувајќи: квантитет, кој е многу важен за оплодување, односно колку поголем број на сперматозоиди, толку поголеми шанси за оподување; движење или подвижност. Патот до оплодувањето не е воопшто лесен за сперматозоидите, па затоа е клучно бидат подвижни. Доколку 40 проценти од спермата е подвижна, тоа значи дека е плодна; структура. Морфологијата односно структурата, не е толку важна колку подвижноста и квантитетот, но сепак, оние сперматозоиди со нормална форма и структура имаат далеку поголема веројатност да бидат плодни. Освен очигледната препорака за редовно практикување на сексуална активност, која треба да е зачестена во периодот на овулацијата на вашата партерка, постојат неколку други одредници кои влијаат врз подобрување врз шансите за забременување.

Избегнувајте тесна долна облека

Тесната долна облека ја зголемува температурата на тестисите, на кои им е потребна пониска температура за нормално функционирање. Доколки имате навика да работите со лаптоп во вашиот скут, веднаш престанете со тоа. Потрудете се да ги намалите часовите поминати на лаптоп, и внимавајте да работите со лаптопот на маса. Треба да се избегнуваат и бањи со топла вода, односно подолго седење во нив. Сепак, оваа активност не прави трајно оштетување на спермата, туку има привремен негативен ефект.

Прочитајте:  Тајната зад „SoulCycle“ тренингот [ВИДЕО]

Избегнувајте цигари и алкохол

Пушењето ја намалува плодноста, па затоа можеби е добра одлука, доколку сте пушач, да престанете со пушењето ако сакате да станете татко. Алкохол треба да се консумира во рамки на препорачаната доза, односно една мала чаша пиво или вино дневно. Исто така, се препорачува да се намали и внесот на кофеин, кој исто така влијае врз квалитетот и квантитетот на спермата.

Балансирана исхрана и редовна физичка активност

Здравата исхрана го зголемува квалитетот на спермата. Препораките велат дека дневниот внес на овошје и зеленчук треба да изнесува 5 порции. Фолната киселина, многу корисна за жените, е исто така корисна и за машката плодност. Редовно вежбајте и одржувајте оптимална телесна тежина, бидејќи телесната тежина влијае врз либидото, изведбата и спермата.

Намалете го стресот

Време е да направите свесни избори доколку сакате животни промени. Стресот го намалува либидото и е штетен во односите со вашиот партнер. Силниот стрес исто така може да го намали производството и квалитетот на спермата и да влијае негативно врз шансите за забременување.


Споделете со пријателите!