se-sto-ste-sakale-da-znaete-za-endometriozata
Споделете со пријателите!

Од ендометриоза патат 176 милиони жени ширум светот
Ендометриоза претставува заболување кое е сè повеќе застапено кај жените. Ендометриозата е состојба која се однесува на растот на ткивото од ендометриумот (внатрешниот слој на матката) надвор од него. Може да се рашири на јајцеводите, јајниците, стомакот, каде што создава воспалителни процеси наречени „ендометриумски жаришта“. Жените кои страдаат од ова хронично заболување, најчесто имаат силни болки во стомакот, болни интимни односи, а во голем број случаи оваа состојба се наведува и како причина за неплодност. Во зависност од тоа во кој стадиум е, ендометриозата се третира со хормонална терапија или оперативен зафат. Има повеќе теории како настанува, но ниту една сигурна. Исто и со лекувањето. Се претпоставува дека природен лек е бременоста. Но овој е само еден од многуте митови поврзани со оваа болест.

Митови и факти за ендометриозата

Мит: Ендометриозата се појавува само кај жените во репродуктивна возраст.
Факт: Таа може да се појави уште во периодот на првиот менструален циклус. Ова заболување зафаќа 176 милиони жени на светско ниво, а најчесто симптомите се јавуваат за време на репродуктивниот период.

Мит: Бременоста како лек.
Факт: За време на бременоста симптомите на ендометриоза се намалуваат поради зголеменото ниво на прогестерон во телото. Тоа не значи дека заболувањето исчезнало.

Мит: Ендометриозата се отстранува со хируршки зафат.
Факт: Има повеќе оперативни зафати за отстранување на ендометриозата како лапароскопија и хистероктомија. Лапароскопијата може само привремено да го реши проблемот и во најголем број случаи, болеста се враќа за една година. Ниту хистероскопијата не значи намалување на болката и отстранување на сите жаришта.

Прочитајте:  Кила – превенција, симптоми и фактори на ризик

Лекување и терапија

Доколку жената нема обид за забременување, терапија со контрацептивни апчиња препишани од гинеколог може да ја контролираат ендометриозата. Со вежбање и соодветна исхрана, често се случува значителна редукција или исчезнување на симптомите. Не е важно дали е тоа пилатес, трчање или зумба, важно е вежбањето да стане дел од секојдневниот живот. Во исхраната треба да се избегнуваат црвеното месо и шеќерот, а да се внесуваат свеж зеленчук и овошје во што поголема количина.

Постојат и бројни истражувања поврзани со ова заболување. Најновата студија открива два нови лекови што ја намалуваат големината на постојните жаришта и го прекинуваат понатамошниот раст. Истражувачите се надеваат дека е направен голем напредок во начинот на лекување на еднометриозата и веруваат дека новите лекови ќе го направат оперативниот зафат непотребен.


Споделете со пријателите!