movember-erektilna-disfunkcija_1
Споделете со пријателите!

Импотенцијата претставува неможност за постигнување или одржување на ерекција за време на сексуалниот чин. Оваа состојба не се однесува само на мажите во поодминати години.
„Проблемите со постигнување на ерекција од време на време, не треба да ве загрижуваат“

Сексуалното возбудување кај мажот е сложен процес во кој е вклучен мозокот, хормоните, емоциите, нервите, мускулите и крвните садови. Импотенцијата може да биде резултат на проблем во било кој од овие фактори. Причините за оваа здравствена состојба се многубројни, започнувајќи од нездравиот начин на живот, лошата исхрана, лековите коишто пациентот ги користи, потоа хроничните болести, слабата циркулација на крвта, пиење премногу алкохол, внесување премногу никотин, дрога, прекумерна телесна тежина, премореноста, стресот и психичката нестабилност (менталното здравје).

Мажите треба да посветат внимание на своето здравје не само кога ќе се појави некој здравствен проблем.

Но, доколку овој проблем често се повторува може значително да ја намали самодовербата кај мажот, а со тоа и да влијае негативно на врската со партнерот. Еден од најголемите проблеми претставува и неможноста партнерката да забремени. Еректилната дисфункција исто така, може да биде симптом на некое заболување и може да биде предзнак за појава на срцеви проблеми.

Немојте да се срамите од импотенцијата, немојте да се срамите да разговарате за овој проблем со вашиот доктор!

Матичниот лекар е првиот човек со кој треба да го споделите вашиот проблем, кој потоа ќе ве упати на соодветен специјалист, уролог или ендокринолог. На лекар пожелно е да се обратите доколку имате проблеми и со ејакулацијата (прерана или предоцна) или пак, доколку имате или се сомневате од појава на дијабетес, срцеви болести, рак на простата или пак, некоја друга здравствена состојба којашто е поврзана со еректилната дисфункција.

Што можете да направите за да ја спречите еректилната дисфункција:

  • Престанете да пушите цигари;
  • Не користете дроги
  • Не претерувајте со алкохолот;
  • Ослободете се од вишокот на килограми;
  • Бидете физички активни;
  • Трудете се да имате здрава врска.

Пред да започнете со употреба на одредени суплементи кои влијаат на импотенцијата, најпрво консултирајте се со вашиот лекар.

Помагала за постигнување на ерекција

Доколку овој проблем не можете да го решите на природен начин, постојат повеќе решенија. Едни од најпознатите методи за помагање на ерекцијата се: пумпите за пенис и пенилни импланти или операција на крвните садови во пенисот. Операцијата на крвните садови се спроведува по пат на васкуларни стентови и/или бајпаси.

Пумпите за пенис претставуваат вакуумски уреди за ерекција, коишто функционираат мануелно или на батерии. Тубата се става на пенисот, а пумпата го истиснува воздухот, така што вакуумот којшто се создава ја раздвижува крвта во пенисот. Откако ерекцијата е постигната, на коренот од пенисот се нанесува специјален ластик којшто ја задржува крвта и пенисот подолго време останува цврст, а пумпата се отстранува.

Пенилните импланти се вметнуваат од двете страни на пенисот по хируршки пат. Имплантите може да бидат во вид на гумени или полу-цврсти прачки. Гумените импланти овозможуваат контрола на времетраењето на ерекцијата, додека пак, со полу-цврстите импланти пенисот цело време е цврст, но може да се свитка. Овој метод не се препорачува сè додека другите методи не се испробаат, бидејќи како и кај секоја операција, постои ризик од компликации и инфекции.


Споделете со пријателите!