Ако сакате мирен сон и добро здравје, наместо телефон земете книга во раце
Навиката на заспивање со телефонот во рака е нешто што повеќето од нас го практикуваат. Оваа навика е всушност многу штетна за здравјето, бидејќи значително го нарушува природниот биоритам и претставува една од најлошите нешта кои што можеме да ги направте непосредно пред заспивање.
Екраните на мобилните екрани емитуваат силна сина светлина која што е видлива и во многу сончев ден. Меѓутоа навечер, оваа светлина го збунува мозокот, бидејќи претставува мимирија на денската светлина, па така, таа го прекинува природниот ритам. Секој пат кога го проверувате телефонот, сноп фотони патуваат директно во вашите очи информирајќи го мозокот да не лачи мелатонин – хормон кој што има функција да го поттикне сонот. А нарушениот сон значи непродуктивен ден и нарушено здравје.
Важноста на мелатонинот
Во основа, тој е задолжен за регулирање на деноноќниот ритам на телото. Мелатонинот му наложува на телото да ослободува хормони.
Доколку мелатонинот не е во рамнотежа, се пореметуваат и хормоните кои што го контролираат гладот, што крајно води до зголемување на телесната тежина.
Исто така, луѓето со нарушен мелатонин се посклони кон депресија. Уште една од улогите на мелатонинот е неговата функција како антиоксиданс. Затоа се претпоставува дека со нарушувањето на мелатонинот се зголемува ризикот од рак, за што сè уште не е најдена директна врска.
Штетноста на сината светлина од екраните
Сината светлина од личните електронски уреди се поврзува со сериозни физички и ментални здравствени проблеми. Постојат истражувања кои што сината светлина ја поврзуваат со оштетување на ретината на окото, како и со појава на катаракта. Оштетувањето на ретината може да доведе до губење на фокусот, односно способноста на регистрирање на предмети кои што се поставени директно пред окото. Исто така, постои и истражување кое ги споредува љубителите на книги со читателите кои што користат таблети за читање. Утврдено е дека на оние кои што читаат од таблети им треба подолго време да заспијат, со што го скратуваат сонот и RЕМ фазата, за разлика од оние кои што читаат книга пред спиење, активност која што им овозможува полесно да заспијат.
