presaduvanje-na-kosa_image
Споделете со пријателите!

Дали може да се пресади коса на било кој човек? Какви резултати може да се очекуваат од оваа процедура? Ова се само некои од прашањата на кои лекарите даваат одговор
Лекарите велат дека има доста голем напредок во процедурата на пресадување на коса. Според нив, денес тешко може да се направи разлика меѓу човек со природна коса и човек кај кој било извршено пресадување на коса токму поради напредокот на медицината во оваа област. Изгледот на косата после процедурата е доста природен, но сепак зависи од некои фактори.

Транспланти

Кога станува збор за пресадувањето на коса, денешните транспланти се доста помали за разлика од порано. Хирурзите велат дека идеалниот број на влакна на еден сантиметар квадратен на глава на човек е околу 80. Доколку со пресадување на коса би се успеало да се стават од 20 – 50 влакна во еден трансплант, тоа би изгледало сосема природно.

Мажи vs. жени

„Пресадувањето на коса кај жените е покомплицирана процедура“

Кога станува збор за пресадување на коса, лекарите додаваат дека полесно е да се работи со мажите отколку со жените. Тоа е така, затоа што кај мажите, трансплантите од коса се ставаат на помали површини. На пример, на еден маж може да му треба само еден трансплант за да му се покрие темето на главата.

Додека пак кај жените мора да се покрие поголема површина на главата затоа што како што тие стареат нивната коса се разретчува на целата глава, а не само на одредени делови како кај мажите. Пресадувањето на коса кај жените е покомплицирана процедура.

Прочитајте:  Трепкањето може да се користи како стратегија

Резултати

Ако сакаме да знаеме какви резултати може да очекуваме од пресадувањето на коса, мора да земеме во предвид некои фактори. Периодот во животот кога човек почнува да оќелавува е доста важен.

Доколку сте започнале да губите коса во вашите дваесетти години и се одлучите за пресадување на коса, тогаш можеби ќе треба да ја повторите процедурата, бидејќи губењето на коса ќе продолжи да се случува и понатаму.

Густината на вашата коса и начинот на кој губите коса, како и бојата на косата и на кожата се важни исто така. Контрастот на бојата на косата и кожата, како и густината на косата и делот на главата каде што сте изгубиле коса, влијаат врз резултатот од пресадувањето, односно врз природниот изглед на косата после процедурата.

Локална анестезија

Според лекарите, пресадувањето може да се прави само со локална анестезија затоа што процедурата ја опфаќа само кожата. По завршувањето на процедурата, пациентите не би требало да чувствуваат болка.


Споделете со пријателите!