По децении на запоставување од страна на фармацевтските компании, жените со слаба желба за секс може да си помогнат себе си со новиот лек Addyi, новата „женска Вијагра“ што ја поттикнува страста во мозокот
Сексот е неопходен за добро здравје, но што доколку имаме проблеми со желбата за секс, најчесто поради стрес и многу други причини? Ким Вален – Kim Wallen професор по психологија на Универзитетот Емори – Emory University вели дека Addyi претставува историски пресврт што може да ја отвори вратата кон повеќе лекови што ја поттикнуваат желбата за секс како кај жените, така и кај мажите. Вијаграта – sildenafil и сличните лекови за еректилна дисфункција, делуваат на тој начин што се зголемува крвотокот во гениталиите, Addyi пак делува на сосем поинаков начин, ги поттикнува хемикалиите во мозокот коишто се одговорни за страста и желбата за секс.
Addyi (flibanserin) е лек за дневна употреба и не смее да се зема со алкохол или одредени други лекови, поради тоа што можат да го ограничат неговиот ефект. Сепак, експертите веруваат дека токму овие ограничувања можат да го поттикнат развојот на подобри третмани за женските сексуални проблеми, по повеќе од една деценија на запоставување од страна на светските фармацевтски компании кои во фокусот ги ставаа само мажите. Започнатите истражувања за лекови кои би се фокусирале на женското либидо, биле започнати во деведесеттите години од страна на компаниите Pfizer, Bayer и Procter & Gamble, но наскоро биле прекинати.
„Ова е прв пат еден лек, како за мажите, така и за жените, да е одобрен исклучиво за зголемување на сексуалната желба“ – рече Вален. „Со ова се легитимизираат многуте други лекови кои се во развој“ – додава таа.
Производството на лекови кои би ги третирале проблемите со либидо кај женската популација, претставуваат неискористена финансиска можност за фармацијата.
Аналитичарите проценуваат дека овој пазар само во САД може да вреди над 2 билиони американски долари, врз основа на научните евалуации дека помеѓу 5 до 9 милиони жени во САД страдаат од нарушувања поврзани со сексуалната желба.
Addyi бил развиен од страна на Германскиот конгломерат Boehringer Ingelheim, а потоа бил продаден на Sprout Pharmaceuticals, откако Американската агенција за храна и лекови – FDA не го одобри овој лек поради слабата ефикасност и можните несакани последици како гадење, замор и вртоглавици.
На фармацевтската компанија Sprout и беа потребни цели четири години за да ја победи битката со FDA за одобрување на Addyi. Овој лек делува на хемикалиите во мозокот одговорни за расположението и апетитот. На амбалажата ќе има затемнето предупредување за можните ризици и несакани последици од онесвестување доколку се помеша со алкохол или одредени лекови. Покрај тоа, лекарите и фармацевтите мора да поминат онлајн сертификација за да покажат дека ги разбираат ризиците што со себе може да ги носи Addyi.
[interaction id=”567e8f4ce6e311024a566425″]Експертите генерално земено, ефектот на новиот лек за зголемување на либидото Addyi го опишуваат како скромен, а испитаничките на кои е тестиран потврдија дека забележале благо зголемување на желбата за секс, како и благо намалување на стресот.
Д-р Лиза Дебни – Lisa Dabney од болницата Mt. Sinai во Њујорк истакна дека неколку пациенти се заинтересирале за овој лек, но тие генерално губат интерес откако таа ќе им објасни дека не смеат да пијат алкохол додека го користат лекот. „Ова дефинитивно претставува опција што може да им помогне на пациентите“ – објаснува Дебни. „Но, ќе има ограничена побарувачка од страна на пациентите поради рестрикцијата за консумирање алкохол и поради тоа што треба да се зема секој ден“.
