svetski-den-na-lupus_image
Споделете со пријателите!

Денес се одбележува Светскиот ден на автоимуната болест лупус
„Најкарактеристичен симптом на лупус (поточно на СЛЕ) е осип во вид на пеперуга кој се јавува на образите и носот“
Денес е Светски ден на лупусот, со главна цел да се привлече вниманието кон оваа болест и да им се овозможи подобар медицински и општествен третман на заболените од оваа автоимуна болест. Лупус е хронична автоимуна болест што може да го зафати  било кој  дел од телото. Се проценува дека повеќе од 5 милиони луѓе ширум светот имаат лупус. Жените се дијагностицираат 9 пати почесто од мажите, најчесто после 20тата година од животот. Мал број на луѓе се запознаени со оваа болест, па затоа потребен е поголем општествен ангажман со фокус за третирање на лупусот.

Најкарактеристичен симптом на лупус, (поточно на системски еритематозен лупус СЛЕ) е осип во вид на пеперуга кој се јавува на образите и носот, додека останатите симптоми на лупус се многубројни и токму затоа, често може да насочуваа кон погрешни дијагнози. Нема два исти случаи со лупус. Знаците и симптомите, зависат од тоа кој систем во телото е нападнат. Најчести се:  Голем замор, треска, болки во зглобовите, болка во градите, главоболка, сувост во очите, вкочанетост и отоци, конфузија, лезии на кожата кои се појавуваат или се влошуваат со изложување на сонце.

Причините за лупус се непознати, иако научниците веруваат дека се вклучени наследен и еколошки фактор. Лупус се дијагностицира со правење тестови на крвта и други дијагностички студии.

Многу познати личности кои што патат од оваа болест, се гласноговорници за лупусот а последен настан кој го привлекол вниманието кон лупусот, е обраќањето на познатата светска пејачка Селена Гомез, која јавно проговори за предизвиците со кои се соочува како заболена од лупус.

Прочитајте:  Осма традиционална прошетка и хуманитарна трка „Напред розово 2016“

Споделете со пријателите!