mozebi-ste-pod-stres-a-ne-znaete_image
Споделете со пријателите!

Препознајте го стресот за да го елиминирате
Стресот е индивидуална состојба, тој кај секого е различен, различно делува и е предизвикан од различни нешта. Сепак, постојат некои заеднички показатели кои што алармираат при состојба на стрес. Исто така, многу често се случува да сме под стрес, но воопшто да не го забележуваме тоа, бидејќи не ги чувствуваме најчестите симптоми. Затоа, ќе наброиме неколку не толку препознатливи показатели, односно однесувања кои што значат дека се соочувате со стрес, бидејќи најважно во борбата со стресот е – да го препознаете.

Не можете да донесувате одлуки

Зголеменото ниво на стрес влијае врз расудувањето бидејќи дава чувство на расеаност и несигурност

Нормално функционирате и ги исполнувате сите обврски. Активни сте и координирани. Но проблемот се јавува кога треба да донесете одлука и дури и за наједноставна работа, ве фаќа паника и се блокирате. Знајте дека тоа е манифестација на стрес. Зголеменото ниво на стрес влијае врз расудувањето, бидејќи дава чувство на расеаност и несигурност. Исто така, стресот ве тера да правите непромислени грешки и да заборавате обврски. Стресот не треба да се потценува бидејќи лекарите предупредуваат дека тој влијае на нашата меморија како и на учењето.

Постојано сте настинати

Настинката ја препишувате на ладното време, но можеби причина за постојаната настинка е изложеноста на стрес. Кортизолот, познат како стрес хормон, го намалува имунитетот и ве прави подложни на настинки и грип.

Немате чувство на блискост

Стресот придонесува да се оддалечите емотивно од блиските. „Луѓето треба да научат да го прифатат и да се соочат со стресот. Во спротивно, тој може да им влијае физички, ментално и емотивно“, истакнува д-р. Акрил – Cynthia Ackrill M.D, предводник во полето за управување со стрес. Исто така, стресот го намалува и сексуалниот нагон. Кога сте под стрес, нивото на секс хормоните се намалува, па така, недостигот на желбата за интимност често доведува до неповолни односи со партнерот и со блиските.

Прочитајте:  Родените во лето се поздрави

Кожа без сјај

znaeme-li-sto-e-dobro-za-nasata-koza_image2Стресот влијае и врз физичкиот изглед, поточно врз кожата. Таа е без сјај и предвреме остарена. Оваа промена, исто така е резултат на стрес хормонот кортизол, кој прави внатрешни значајни промени во организмот. Стресот може да се манифестира и со зачестено чешање на кожата. Постојат истражувања кои што испитале дека во некои случаи, чешањето е производ на стрес.

Во овој случај, не помагаат ниту најдобрите лосиони за тело.

Имате зголемена телесна тежина

Стресот го поттикнува импулсот за опстанок, а за борба потребна е енергија. Во овој случај, мозокот ослободува хемиски реакции кои што ја зголемуваат желбата за шеќер и калорична храна како најбрз извор на енергија. Кортизолот, од друга страна, ја нарушува дигестијата и предизвикува проблеми при варењето на храната.

„Најважно е да се прифати дека стресот е дел од нас, но можеме да ја контролираме нашата реакција кон него“

Доколку препознавте некои од овие знаци кај вас, постојат многу начини да ја преземете контролата над стресот. Најважно е да се прифати дека стресот е дел од нас, но можеме да ја контролираме нашата реакција кон него. Обидете се да одделите барем малку време секој ден за да се смирите и да се релаксирате. Најдете хоби што ве исполнува, почесто одмарајте и практикувајте било каква физичка активност.


Споделете со пријателите!