kako-da-ja-izbegnete-suvata-koza-vo-zima_image2
Споделете со пријателите!

Кожата е можеби најзасегната кога ладното време е во прашање. Затоа, добро би било да ја зголемите грижата за вашата кожа во зима.
Ладното време си го направи своето. Едноставно знаеме дека зимата и кожата не се во најдобри односи. Таа од ден во ден станува се посува. Кожата на дланките почнува да пука, усните ни се суви и набрани, целото тело едноставно се соочува со зголемена потреба од хидратација и поголема нега во текот на зимата.

Но, сепак постојат некои работи кои можете да ги направите за да ја избегнете сувата кожа за време на зимските месеци.

НЕ за туширањето со жешка вода во зима

Жешката вода нема само да ве стопли туку и ќе ја отстрани природната маснотија во кожата, па на тој начин вашата кожа може да стане уште посува и иритирана. Обидете се да се туширате со топла, млака вода за да го спречите дополнителното сушење. Не задржувајте се долго време под туш и изберете сапун или гел за туширање кој е соодветен за чувствителна кожа.

Хидратантни продукти

Кога избирате продукти за нега на вашата кожа во зима погрижете се да ѝ ја овозможат неопходната хидратација. Во зима кожата се суши многу побрзо и од голема важност е да направиме сè што можеме за да го спречиме сушењето. Продуктите треба да се соодветни на вашиот тип на кожа. Кога хидратацијата на кожата е во прашање, млекото или лосионот за нега на кожа нанесувајте го веднаш после бањање кога кожата е сè уште влажна со цел да ја „заробите“ влагата што е на нејзината површина.

Прочитајте:  4 Нешта кои го „убиваат“ вашиот сексуален нагон

Кремот за раце нека ви биде на дофат во секое време

Кожата на рацете е еден од најсувите делови на телото во зима. Ако не се грижите добро за рацете, кожата може дури и да испука, а тоа знае да биде навистина болно. Кремот за раце нека ви биде достапен секогаш за да ги одржите рацете меки и хидрирани.
kako-da-ja-izbegnete-suvata-koza-vo-zima_image

Избегнете ги сувите усни

Усните се меѓу првите делови на телото кои треба да се заштитат од ладното време. Сувите усни не се многу привлечни, па добро би било освен добар балсам за усни да се обидете да ја отстраните сувата кожа од нив. Искористете ја четката за заби и отстранете го вишокот сува кожа од усните.

Удобноста на прво место

Облекувајте се во мека и удобна облека која нема да ја иритира вашата сува кожа. Памучната облека би била најдобриот избор. Синтетиката и волната можат да ја иритираат кожата и да предизвикаат чешање. Облеката нека биде поширока за да се избегне триењето и иритацијата на кожата како резултат на потење.

Внимавајте на воздухот во домот

Воздухот во домот е многу важен за вашето здравје и не треба да биде многу сув. Тој се суши благодарение на различни видови на затоплување на домот за време на зимските месеци. Одредена влажност во воздухот е препорачлива за да се спречи дополнителното сушење на кожата.


Споделете со пријателите!