Лимонот е специфичен по вкус и е незаменлив кога се во прашање хранливите материи потребни за човечкиот организам
Лимонот е кисело овошје кое е богато со хранливи материи. Вообичаено не го јадеме како цело овошје, но затоа пак го користиме секојдневно како додаток на јадења, за украсување, за правење лимонада и во безброј други комбинации. Неговиот освежителен вкус е незаменлив во летните денови кога жештината е неподнослива. А, ако зборуваме за содржината на хранливи материи може да се каже дека ги има во изобилие.
Лимонот содржи многу малку калории, мала количина на масти и одредена количина на протеини. Се состои од 88 – 89% вода, а во лимон со средна големина има само околу 20 калории.
Во лимонот има и јаглехидрати кои се состојат од растителни влакна и едноставни шеќери како гликоза, фруктоза и сахароза. Главниот вид на растителни влакна во лимонот е пектинот кој има одлично влијание врз намалувањето на нивото на шеќер во крвта. Воопшто, растителните влакна се поврзуваат со доста здравствени придобивки.
Лимонот содржи и витамини и минерали кои се неопходни за здрав организам.
- Витаминот Ц е неопходен витамин и антиоксиданс кој е особено важен за имунитетот и за здрава и убава кожа;
- Калиумот кој го има во лимонот го намалува крвниот притисок и има позитивно влијание врз целокупниот кардиоваскуларен систем;
- Витаминот Б6 се содржи во лимонот и ја претвора храната во енергија.
Во лимонот има и:
- Цитрусна киселина која делува како превенција од формирање на камења во бубрезите;
- Хесперидин – антиоксидант кој ги зајакнува крвните садови;
- Диосмин – антиоксиданс кој има позитивно влијание врз циркулаторниот систем во организмот;
- Ериоцитрин – антиоксиданс кој го има во кората и сокот на лимонот;
- D – Лимонен – антиоксиданс кој го има во кората на лимонот и кој е одговорен за освежителниот мирис на лимонот.
Здравствени придобивки од лимонот
Витамините и минералите, растителните влакна како и растителните соединенија кои ги има во лимонот имаат многубројни здравствени придобивки за човечкиот организам.
Лимоновиот сок има слична атомска структура како и соковите кои се испуштаат во дигестивниот тракт, па затоа лимонот го подобрува варењето на храната, спречува надуеност и киселини во стомакот.
Антиоксидансите и витаминот Ц во лимонот се борат против стареењето на кожата и одржуваат добро ниво на pH вредност во организмот.
Витаминот Ц во лимонот го подобрува имунитетот и го намалува ризикот од кардиоваскуларни болести, додека пак растителните влакна помагаат во намалување на холестеролот во крвта.
Лимонот е диуретик. Цитрусната киселина во лимонот ја зголемува количината на урина и го намалува ризикот од појава на камења во бубрезите.
Витаминот Ц заедно со цитрусната киселина ја зголемуваат апсорпцијата на железо кое се внесува од останатата храна што ја јадеме, и благодарение на тоа делува како превенција од анемија (предизвикана од недостаток на железо во организмот).
Јадењето на лимон помага во намалување на ризикот од појава на неколку видови на рак, а тоа се должи на хесперидинот и D – лимоненот.
Калиумот во лимонот помага во одржување на здрав нервен систем и ментално здравје.
Лимонот делува и како прочистувач на црниот дроб и е прилично корисен кога станува збор за детоксификација на организмот.
Освежително решение во текот на летото – Вода со лимон
Едноставна идеја за летно освежување и за започнување на денот – чаша вода со лимон. Освежете се и истовремено почувствувајте ги позитивните ефекти на лимонот врз вашето здравје.
Потребни состојки:
- Една чаша вода;
- ½ или 1 цел лимон.
Исцедете го лимонот во чашата со вода и испијте го. Се препорачува ова да го правите секое утро и за брзо време ќе ги почувствувате горенаведените здравствени придобивки од ова овошје.
