sto-e-kolagen_1
Споделете со пријателите!

Колагените се најзастапени протеини во човечкиот организам и се главна протеинска компонента на кожата, коските и сврзното ткиво. Што се случува со него како што старееме и како да се надомести губењето на колаген?
Да се зборува за улогата и важноста на колагенот во нашиот организам значи да се зборува за едно од основните ткива, сврзното-ткиво, кое заедно со рскавичното и коскеното прави потпорно ткиво кое е широко распространето низ целото тело. Сврзното ткиво е изградено од сврзувачки клетки и меѓуклеточни супстанци што ги опкружува, а кои се состојат од колоиден раствор (базични супстанци) и сврзувачки влакна.

Колагенот има голем број на различни улоги: поврзување на поединечни коски во зглобовите, гради потпорен ѕид околу органите одвојувајќи ги меѓусебно, ја поврзува кожата со структурите под неа, ги обвива мускулите и поединечните мускулни групи, ги обвива и ги штити крвните садови и нервите на места каде влегуваат и излегуваат од органите, така што освен потпора има улога и во исхраната. Специјалниот врзивен материјал обезбедува и негова улога за зачувување на природната отпорност на организмот како и регенерациска улога затоа што учествува во обновата на сите видови потпорни ткива.

Со стареењето се намалува капацитетот на обновување на колагенот

По дваесет и петата година од животот, телото во просек губи 1,5% колаген на годишно ниво.

Човечкиот организам има способност за постојана синтеза на колагенот, кој е потребен за раст и замена на истрошеното ткиво и за заздравување и обнова на повредените ткива. Сепак со времето постепено се намалува капацитетот на неговата обнова поради процесот на стареење, постојано преоптоварување (врвен спорт, физичка активност) или автоимуни болести. Во младоста губењето на колагенот брзо се надоместува, но со текот на годините станува се поизразен па се смета дека по 25 години, телото во просек губи 1,5% колаген на годишно ниво. Губењето на колагенот негативно влијае врз изгледот и функцијата на целото тело и доведува до различни дегенеративни промени. Недостаток на колаген меѓу другото предизвикува мускулно-скелетни нарушувања (артритис, вкочанетост, мускулни повреди), нарушување на функцијата на имунолошкиот систем и појава на телесни промени поврзани со стареењето, како што се брчките, целулит, сува кожа, кожа и коса без сјај и нарушен облик на телото.

Прочитајте:  Пробиотиците докажано го подобруваат имунитетот

Може ли да се надомести губењето на колагенот?

„Целта на додатоците во исхраната со колаген е забавување на физиолошко губење на колагенот.“

Начинот на живот, правилната исхрана и континуирана физичка активност до некаде може да го ублажи и забави губењето на колагенот и можните последици. Сепак, во модерните времиња тоа не е доволно. Здравјето, силата и убавината не се повеќе атрибути кои се очекуваат и поврзуваат само со млади жени и мажи. Тие често се услов за успех, но се повеќе и наша (оправдана) желба и потреба за квалитетен живот и во постара возраст. Животниот век е се пократок, но старата популација може да ужива во благодетите на животот само под услов на зачувување на здравјето и основните функции на организмот. Според големиот број на извештаи колагенот е една од супстанциите која всушност тоа ни го ветува, а исто така се применува и во различни облици.

sto-e-kolagen_2
колагенски инјекции за отстранување на брчките на лицето

Целта на додатоците во исхраната со колаген е забавување на физиолошко губење на колагенот. Тие се понудени во форма на прав, таблети, капсули или течни препарати кои според производителот ги олеснуваат тешкотиите кај артритисот, помагаат при губење на тежината, изградба на мускулите и подмладување на кожата. Козметичките препарати со колаген се користат за да се спречат брчките и за целосно подмладување на кожата, а колаген инјекциите за отстранување на брчките на лицето правејќи ја кожата затегната со полни усни.


Споделете со пријателите!