Многу од луѓето кои земаат анти-инфламаторни лекови (НСАИЛ), на своја рака и ги користат премногу долго или премногу често се ставаат во ризик да предизвикаат сериозни несакани ефекти
Како функционираат НСАИЛ?
Тие ја купираат болката со тоа што имаат дејство на еден или двата од два ензими: COX-1 и COX-2. Овие ензими се од суштинско значење за производство на хормони наречени простагландини, кои предизвикуваат воспаление и заради чие постоење до мозокот се испраќаат сигнали кои се толкуваат како болка. Доволно високи дози, НСАИЛ го инхибираат воспалението и на тој начин ја спречуваат појавата на болка.
При блокирање на COX-1, желудникот станува чуствителен и е зголемен ризикот за појава на чир и крварење бидејќи простагландините имаат улога да ја штитат лигавицата на желудникот од киселината која ја создава. Всушност, од 5 до 10 проценти од корисниците на НСАИЛ развиваат чир или крварење во дадена година.
Дали несакани ефекти се разликуваат?
Некои експерти сметаат дека напроксен носи помал ризик од срцева слабост или мозочен удар во споредба со други НСАИЛ. Но се уште доказите не се доволни за да се утврди дали некои НСАИЛ се pосигурни за срцето од другите.
Фактори кои го зголемуваат ризикот од проблеми со нивното користење се:
- Постари од 60 години;
- Луѓе кои земаат аспирин дневно за превенција од срцев удар и имат историја на улкус или гастроинтестинално крварење;
- Ако спаѓате во една од овие групи, зборувајте со вашиот доктор за земање на други видови аналгетици;
- Доколку имате висок крвен притисок, висок холестерол, дијабетес или ако сте пушач;
- Историја за срцев удар, мозочен удар или згрутчување на крвта;
- Астма;
- Доколку имате проблеми со црниот дроб или бубрезите;
- Апсолутна контраиндикација е срцева слабост.
Дали да добијам одобрение за ибупрофен од лекар или да го земам на своја рака?
Ако ви треба на НСАИЛ само повремено – на пример, за главоболки или друг тип на болки на пример при артритис тогаш разумно е да си побарате без рецепт во аптека, но доколку болката трае подолг период и ги користите подолго шансите за појава на компликации се големи. Секојдневна употреба го зголемува ризикот од компликации. Тоа е причината зошто упатствата на НСАИЛ предупредуваат да не се надминува препорачаната доза или да не ги користите за подолг период од 10 дена без надзор на доктор.
Ако се најдете во ситуација да треба да користите НСАИЛ неколку пати неделно за да се справите со хронична болка, вкочанетост или повреди, консултирајте се со лекар за стратегијата за да се справатите со болката ефикасно и по можност со помалку лекови.
Алтернативи на НСАИЛ
Главна алтернатива за намалување на болката е парацетамол.
Физикална терапија НСАИ креми и гелови кои се нанесуваат на кожата може да бидат добра алтернатива и добар старт со кој би требало да се обидете да влијаете на болки во мускулите бидејќи тие имаат помалку несакани ефекти од таблети или капсули.
