novi-istrazhuvanja-za-rakot-mozhe-da-pomognat-vo-tretiranje-na-alchajmerovata-bolest_image
Споделете со пријателите!

Додека овие две болести навидум немаат многу заедничко, постои една клучна врска што истражувачите сметаат дека би можела да биде корисна во пронаоѓањето лек.
Растечкиот број на луѓе што боледуваат од Алцхајмеровата болест е загрижувачки, бидејќи во моментов постојат само четири одобрени лекови за третирање на симптомите на болеста, а неколку надежни третмани покажаа разочарувачки резултати во клучни медицински студии оваа година.

„Неочекувано во САД како предмет на истражување е поставена поврзаноста помеѓу Алцхајмеровата болест и ракот“

Неочекувано, истражувачите во САД како предмет на истражување ја ставија поврзаноста помеѓу Алцхајмеровата болест и ракот. Додека овие две болести навидум немаат многу заедничко, постои една клучна врска што истражувачите од „MD Anderson“ сметаат дека би можела да биде корисна во нивните истражувања, а тоа е дека луѓето со историја на заболување од рак имаат помала веројатност да добијат Алцхајмерова болест, а луѓето со историја на Алцхајмерова болест имаат помала веројатност да добијат рак.

Во последната деценија истражувачите ја откриле оваа врска помеѓу развојот на Алцхајмерова болест и намалениот ризик за заболување од рак и обратно. Тие поставуваат хипотези зошто тоа се случува. Многу поедноставно, причината за болестите може да биде најголемата индикација. „Ракот е болест на клетките кои не можат да умрат и не умираат. Алцхајмеровата болест е болест на клетките кои би требало да живеат преку целиот наш живот, а ние не можеме да ги одржуваме живи“, рече тој.

Еден од начините на кој истражувачите ги добиле податоците за врската помеѓу двете болести е преку пациентите со рак кои имаат когнитивна дисфункција поврзана со хемотерапија. Се проценува дека 75% од пациентите со рак имаат когнитивно оштетување (губење на меморијата, проблеми со вниманието, итн.). Хемотерапијата, всушност, ги уништува клетките на ракот со таргетирање клетки кои брзо се делат, и во повеќето случаи, убива дел од здравите клетки, вклучувајќи ги и нервните клетки во мозокот.

Прочитајте:  Што е Д-димер?

„Потрагата по нови третмани за лечење на Алцхајмеровата болест засега не оди во позитивна насока“

Ова е нешто на кое научниците што ги истражуваат лековите се фокусираат за да видат дали може да се пронајде терапија која би го спречила невролошкото оштетување што се случува со хемотерапијата. Ако тие успеат да разберат што се случува и да пронајдат начин да ги спречат невролошките несакани ефекти кај пациентите со рак, истиот тој пристап би можел да помогне во лекувањето на Алцхајмеровата болест.

Потрагата по нови третмани за лечење на Алцхајмеровата болест засега не оди во позитивна насока. Последниот нов лек беше одобрен во 2003 година, а бројните неуспешни обиди за пронаоѓање на нови лекови на почетокот на 2017 година фрлија сенка на ова поле.

Сепак, повеќе лекови во моментот се во крајната фаза на испитувања кои можат да влијаат врз болеста, а истражувачите се надеваат и дека ќе најдат начин да ја дијагностицираат болеста порано, односно уште пред да се појават симптомите.


Споделете со пријателите!