artritisot-ne-e-povekje-bolest-na-starite-lica_image
Споделете со пријателите!

Околу 60 отсто од возрасните со артритис се помлади од 65 години
Ова заболување е водечка причина за појава на инвалидитет, а предизвикува и болка, вкочанетост и отоци на зглобовите
Секој од нас познава некој со артритис. Ова заболување е водечка причина за појава на инвалидитет, а предизвикува и болка, вкочанетост и отоци на зглобовите. Најчести видови се: остеоартритис, ревматоиден артритис, гихт, лупус и фибромијалгија. Ако во минатото се сметаше дека артритисот е болест на старите лица, најновите истражувања го покажуваат сосема спротивното. Најновите податоци од National Interview Survey, покажуваат дека 54,4 милиони возрасни во САД (22,7% од вкупната популација), страдааат од дијагостициран артритис, според извештајот објавен во март годинава во списанието Vital Signs.

„Артритисот е болест кај 1 од 4 возрасни во САД и како што американската нација расте и старее, сметаме дека до 2040 година, кај околу 78 милиони возрасни ќе биде дијагостицирана оваа болест“, вели Ен Шучат, директор во Центарот за контрола на болести. Скоро половина (49,6%) од лицата на возраст на 65 години и постари страдаат од артритис, како и осум милиони на возраст од 18 до 44 години. Приближно 25 милиони Американци во средна доба (45 до 64 години), исто така страдаат од ова заболување.

„Спротивно на мислењето, артритисот не е заболување на старите лица. Околу 60 отсто од возрасните со артритис се помлади од 65 години. Исто така е познато дека работоспособните лица со дијагостициран артритис имаат помала вработливост, отколку кај лицата без ова заболување“, вели Шучат.

Секојдневни битки

Артритисот си го зема својот данок во секојдневниот живот. Согласно најновиот извештај 23,7 милиони возрасни имаат артритис и ги лимитираат нивните дневни активности. Процентот на возрасни со ова заболување кои ги ограничиле нивните активности пораснал од 35,9 % во 2002 година, на 42,8% во 2014 година, што е зголемување за неверојатни 20 отсто, независно од возраста на населението.

Прочитајте:  Дали може да се подобри успехот во излекување на микоплазма

Меѓу возрасните со срцеви заболувања, дијабетес и дебелина, распространетоста на артритисот е во сооднос 49,3%, 47,1% и 30,6 отсто. Околу половина од возрасните со артритис кои имале една од овие хронични болести, ги искусиле секојдневните ограничувања на нивните активности како резултат на ова ревматско заболување.

Во крајна линија, артритисот има влијание врз животот на пациентите секојдневно а многу од нив не можат да ги извршуваат дневните рутини, поради нивните симптоми.

Истражувањето покажало дека годишните медицински трошци за лекување на артритисот се движат околи 81 милијарда долари. Официјалните медицински лица во САД, во последно време ги промовираат физичките активности и програмите за контрола на болеста, како основни интервенции за превенција од артритисот. Физичките активности можат да ги намалат симптомите на артритисот до 40 проценти, но една од три личности е физички неактивна. Едукативните програми за контрола на болеста, можат да ги олеснат симптомите, но само еден од десет пациенти, учествуваат во овие програми.  

„Лекарите треба да ги охрабруваат пациентите со артритис да бидат физички активни

„За примарната нега, многу е важно давателите на здравствени услуги да ги охрабруваат пациентите со артритис да бидат физички активни“, вели д-р Камил Барбур од Центарот за контрола на болести, напоменувајќи дека е важно панциентите да бидат мотивирани да посетуваат работилници, со цел да научат како да се справуваат со артритисот


Споделете со пријателите!