vezbanjeto-i-bolkata-vo-kolenata-1
Споделете со пријателите!

Без разлика дали болката во колената е резултат на повреда или пак станува збор за хронична болка, постојат повеќе начини истата да се спречи. Таа не треба да ја попречи вашата секојдневна рутина за вежбање
Летото е период кога сите се стремиме да сме во добра форма и вежбаме за да го постигнеме тоа. Без разлика дали сакаме да ја подобриме здравствената состојба или пак да ја намалиме телесната тежина, многумина од нас посветуваат време на различни видови на тренинзи кои ќе ни помогнат во остварување на нашата цел. Притоа, многу е важно нашите колена да бидат во одлична состојба за да го издржат напорот при вежбањето. Доколку се соочуваме со болка во колената, неопходно е да знаеме што ја предизвикало болката, што треба да направиме за да ја спречиме болката и како да постапуваме во иднина за да постигнеме максимални резултати при вежбањето.

Што може да предизвика болка во колената?

За да може да дејствуваме правилно, најпрво треба да ја одредиме причината за болката во колената. Болката може да биде предизвикана како резултат на повреда, односно некаков вид на удар. Во случај на удар може да се соочиме со оток, скршеница, изместување на чашката на коленото, скинат лигамент, итн.

vezbanjeto-i-bolkata-vo-kolenata-2Болката во колената е карактеристична за луѓето кои спортуваат и кои ги оптоваруваат колената. Доколку имате проблем со стапалата или со колковите, тоа дополнително ги оптоварува колената, а вие се соочувате со болка.

Ревматичниот артритис и остеоартритисот може да предизвикаат болка во колената, исто како и зголемената телесна тежина или пак носењето на преголема тежина.

Како да ја спречиме болката?

Доколку станува збор за болка предизвикана од сериозна повреда на коленото тогаш потребно е да се обратите на лекар. Следете ги упатствата на лекарот кога станува збор за надминување на болката во колената и за понатамошната нега на колената за време на вежбање.

Носењето на соодветни обувки и рамномерно распределување на тежината се препорачува за да ги зачувате вашите колена.

Ако сте се повредиле, но нема некои посериозни последици освен одредено благо отекување на местото на ударот, постојат и некои работи кои може да ги направите во домашни услови за да се слободите од болката. Не го оптоварувајте коленото и држете ја ногата подигната за да се намали отокот. Исто така, ставете мраз на болното место за да го намалите отокот.

Прочитајте:  [2 дел] Потребна дневна доза и основни извори на минералите

За да ја избегнете болката која е резултат на оптоварување на колената при спортување или вежбање најважно е правилно да се загреете пред тренингот. Истегнувањето е еден од начините да ги подготвите колената за зголемениот напор при вежбањето. Доколку забележите дека болката се појавува почесто отколку претходно, препорачливо е да го смените начинот на вежбање, односно да започнете со полесни тренинзи кои нема да ги оптоваруваат колената. На пример, возењето велосипед и пливањето не ги оптоваруваат колената како трчањето. Носењето на соодветни обувки се препорачува исто така.

Ако забележите дека зголемената телесна тежина ги оптоварува колената при секојдневните активности тогаш намалувањето на тежината би било биде добредојдено. Проблемите со стапалата исто така може да предизвикаат болка во колената. Носете соодветни обувки или помагала и распределувајте ја телесната тежината подеднакво на двете нозе кога стоите.

Совети за здрави колена и безбедно вежбање:

  • Избегнувајте вежби кои можат да предизвикаат болка или нелагодност во колената (скокање, трчање, итн.) и одберете си начин на вежбање кој најмалку ги оптоварува колената;
  • Загревајте се редовно пред вежбање за да може да го издржите тренингот (напорот врз колената);
  • лекар може да ви даде корисни совети кога станува збор за надминување на болката во колената;
  • Зајакнете ги стомачните мускули;
  • Зајакнете ги мускулите кои ги поткрепуваат колената;
  • Зајакнете ги мускулите на задникот;
  • Одржувајте здрава телесна тежина;
  • Погрижете се за стапалата за да ја минимизирате болката во колената.

Споделете со пријателите!