naucete-za-zenskite-hormoni-za-da-gi-razberete-zenite
Споделете со пријателите!

Насоки за мажи како подобро да ги разберат женските хормони
За добра комуникација, потребно е разбирање. Ова особено се однесува на машко женските односи. На жените често им се префрлува дека се премногу чувствители и за целото однесување најчесто се обвинуваат хормоните. Но колку всушност мажите знаат за женските хормони? Познавањето за женските хормони е важно бидејќи не само што тие влијаат на однесувањето, туку и на целокупното здравје на жената.

Хормонот естроген

Повеќето мажи знаат за овој хормон, којшто е најважниот женски хормон. Зошто? Бидејќи тој контолира многу функции кај жената, важен е за регулација на менструалниот цикулс и за физичкиот развој за време на пубертетот. Естрогенот заедно со прогестеронот и тестостеронот, се главни женски хормони и нивниот пораст или пад, прават значајни разлики во организмот. Во зависност од нивното ниво, тие го контролираат сексуалниот нагон и се најважните чинители во бременоста. Нивното пореметување, односно зголемување на естрогенот, може да предизвика заболувања, како на пример ендометриоза.

Разликувајте ПМС период од ПМДД

naucete-za-zenskite-hormoni-za-da-gi-razberete-zenite_2ПМС, односно предменструалниот синдром, многумина мислат дека не постои, но голем број жени навистина патат од оваа состојба, која што предизвикува многу стомачни болки, болки во половината, чести промени на расположение и главоболки. Повеќето лекари ја потврдуваат оваа состојба за валидна и нешто на што треба да се обрне внимание. Овие сиптоми се намалуваат со здрав режим на исхрана и континуирано вежбање. Треба да се разликува ПМС од ПМДД (предменструално дисфорично пореметување). ПМДД е предизвикано од промената на хормоните во организмот и се поистоветува со ПМС. Во периодот од една недела пред добивање на менструален циклус, жената може да биде со лошо или тензично расположение, да чувствува голем замор, да има слаба концентрација, проблеми со спиењето, болки во мускулите и зглобовите. За време на овој период, на жените им е потребен серотонин, познат и како хормон на среќата. Затоа, тогаш грижете се повеќе околу својата сакана, гушкајте ја и правете да се чувствува среќно.

Прочитајте:  Состојба со грип во Република Македонија, сезона 2016/2017
за 5та недела

Хормоните влијаат на либидото

Сосема е нормално либидото со тек на време да се менува. За време на адолесценцијата, и мажите и жените имаат повисоко либидо. Тоа полека се намалува како резултат на стрес, а освен хормоните, врз него влијаат и мноштво други психички и физички фактори: недостаток на интимност, депресија, медикаменти и нарушена физичка здравствена состојба. За време на менопаузата, либидото природно се намалува, но во периодот на пост-менопауза може повторно да се зголеми.

Познавањето и сфаќањето на комплексноста на хормоните и нивното влијание врз однесувањето и врз здравјето на жената, е клучно, со цел мажите вистински да го сфатат спротивниот пол. Исто така, важно е да се напомене дека овие состојби и симптоми се разликуваат од една жена до друга. И покрај сè, хормоните не значи дека го контролираат животот и секојдневното однесување, но нивното разбирање помага за подобра комуникација и подобар квалитет на живот.


Споделете со пријателите!